აფხაზეთში ხელმძღვანელის არჩევნები და ახალი კურიერი

[Giorgi]

      წვიმებმა სიცხისგან გამოდარება ვერ შეძლეს - ტემპერატურა ისევ მაღალია, მაგრამ შედარებით მცირე თემებზე კონცეტრირებული - ისევ რუსთავი ორი და ამჯერად ახალი კურიერის თემა და მთავარი სიახლე - აფხაზეთში ჩატარებული საპრეზიდენტო არჩევნები.

საქართველოს და მსოფლიოს ამბები / 26 აგვისტო, 2019

      ახალი კურიერი - გიორგი ლაფერაშვილი - "ქართულ ოცნებასთან" დაახლოებულმა პირმა შემომთავაზა ეტაპობრივად ჩემი პრობლემების მოგვარება და ხელფასის 30%-იანი მატება. „რუსთავი 2“-ის საინფორმაციო სამსახურს ჟურნალისტი ირაკლი იმნაიშვილი უხელმძღვანელებს. ირაკლი იმნაიშვილი - თანამშრომლებისგან მოვისმინე, რომ „რუსთავი 2“-ის ჟურნალისტების ნაწილს, რომლებიც წავიდნენ, დაბრუნება სურთ. მაქვს ამბიცია, რომ „რუსთავი 2“ გახდეს გამარჯვებული ჟურნალისტების ტელევიზია - გუნდმა გამარჯვება, უპირველეს ყოვლისა, ცენზურაზე უნდა მოიპოვოს.

      აფხაზეთის არჩევნები - ედგარს რინკევიჩსი - ლატვია ოკუპირებულ აფხაზეთში ჩატარებულ ე.წ. არჩევნებს არ აღიარებს. ჯემალ გამახარია - იმედი მაქვს, გერმანიის საელჩო განცხადებას გააკეთებს თუ რატომ ჩამოვიდნენ გერმანიის მოქალაქეები აფხაზეთის ე.წ. არჩევნებზე. ვლადიმერ კონსტანტინიდი - საგარეო უწყება აქტიურად მუშაობს იმ რისკებზე, რომელიც შესაძლოა, აფხაზეთისა და ცხინვალის რეგიონის აღიარებასთან იყოს დაკავშირებული. კახა კალაძე - საერთაშორისო დამკვირვებლები აფხაზეთში არ ყოფილან და თანამედროვე მსოფლიოში ამ ე.წ. არჩევნებს არავინ არ სცნობს. ამერიკა და ევროპის ქვეყნები ოკუპირებული აფხაზეთის ე.წ. საპრეზიდენტო არჩევნებს ერთობლივი განცხადებით გმობენ. აფხაზეთის „საპრეზიდენტო არჩევნებში“ ყველაზე მეტი ხმა მოქმედმა „პრეზიდენტმა“ რაულ ხაჯიმბამ მიიღო. ვლადიმერ კონსტანტინიდის განცხადებით, აფხაზეთში რუსული გავლენის ქვეშ მყოფი გერმანელი დეპუტატები იმყოფებიან და მათი დამკვირვებლად ჩაყვანაც რუსულმა მხარემ დააფინანსა. მამუკა არეშიძე - ამ არჩევნებზე კარგად გამოჩნდა აფხაზური საზოგადოების ნიჰილიზმი, რადგან ულაპარაკო ლიდერი არ არის, კლანები ცდილობენ თავისი ხალხი გაიყვანონ. პაატა ზაქარეიშვილი - ვინც არ უნდა გახდეს აფხაზეთის „პრეზიდენტი“, რუსეთისთვის ანგარიშის გაწევა მოუწევს. ქეთევან ციხელაშვილი - სრული მზაობა გვაქვს გავაფართოვოთ დიალოგი აფხაზური საზოგადოების ყველა დონეზე. ჯეიმს აპატურაი - ნატო აფხაზეთში ჩატარებულ ე.წ. საპრეზიდენტო არჩევნებს არ აღიარებს. რაულ ხაჯიმბა სალომე ზურაბიშვილის განცხადებაზე - საქართველო არ მაინტერესებს - მათ განცხადებებს ჩვენი სახელმწიფოსთვის არავითარი მნიშვნელობა არ აქვს. გერმანიის საგარეო უწყება - არ ვაღიარებთ ე.წ. არჩევნებს, რომელიც საქართველოს სეპარატისტულ რეგიონში, აფხაზეთში გაიმართა.

      ბანკირის გირაო - მამუკა ხაზარაძემ და ბადრი ჯაფარიძემ 700 000-700 000-ლარიანი გირაო გადაიხადეს.

      ოცნების გადახვევა - ბიძინა გეგიძე - „ქართულმა ოცნებამ“ გადაუხვია ოთხპუნქტიან გეგმას, სადაც საუბარია სამართლიანობაზე, თავისუფლებაზე, კეთილდღეობასა და განვითარებაზე.

საზღვარგარეთულები:

      ამაზონის ხანძარი - ემანუელ მაკრონი - ბრაზილიელებს ალბათ, მათი პრეზიდენტის გამო რცხვენიათ - იმედი მაქვს, მალე ისეთი პრეზიდენტი ეყოლებათ, რომელსაც საქმის გაკეთების უნარი ექნება. ბრაზილიის პრეზიდენტი - დაუშვებელია საფრანგეთის პრეზიდენტის დაუსაბუთებელი და უადგილო თავდასხმები.

წყაროები: ქართული ინტერნეტ საინფორმაციო პორტალები

◄ წინადღის ამბები

მომდევნო დღე ►