პატრიარქის თანამოსაყდრე, სპეცოპერაცია გაბრიელ სალოსის ქუჩაზე და მომავლის ომბუდსმენი

[Giorgi]

      გილოცავთ გიორგობის დღესასწაულს! და მიუხედავად სადღესასწაულო განწყობისა, რომელიც მთელი ქვეყნის მასშტბით დიდი ზეიმით მოედება ხოლმე მორწმუნე მრევლს, გვერდს ვერ ავუვლით ჩვენი სტატიების მთავარ ხაზს.

საქართველოს და მსოფლიოს ამბები / 23 ნოემბერი, 2017/

      სპეცოპერაციის საქმეს თუ რამე გადაფარავდა, გუშინ არავინ იფიქრებდა. თუმცა დღეს, პატრიარქმა ილია II-მ, ყველასთვის მოულოდნელად თანამოსაყდრე დაასახელა. პატრიარქმა მის თანამოსაყდრედ მიტროპოლიტი შიო მუჯირი დაასახელა. სერგო ვარდოსანიძე - პატრიარქის მიერ მოსაყდრის დასახელება ნიშნავს, რომ თუ პატრიარქი შეუძლოდ იქნება, მოსაყდრე მოვალეობის შესრულებაში დაეხმარება. ვაჟა ვარდიძე - მოსაყდრის დასახელება არ ნიშნავს, რომ ილია მეორემ მომავალი პატრიარქის კანდიდატურა დაასახელა - მას ვერ ეყოლება მემკვიდრე, პატრიარქს სინოდი ირჩევს. ბექა მინდიაშვილი - მოსაყდრის დასახელება არის განაცხადი პატრიარქის მხრიდან, თუ ვის ხედავს მისი მოვალეობის შემსრულებლად. ლადო ნარსია - თანამოსაყდრე პატრიარქის მემკვიდრედ ვერ ჩაითვლება, თუმცა ილია მეორე შეიძლება ხაზს უსვამდეს, რომ მომავალ პატრიარქად მისთვის მისაღები შიო მუჯირია. პატრიარქი - წმინდა გიორგიმ ინება, რომ გვყავდეს მოსაყდრე და ასეთი არის მეუფე შიო. მეუფე შიო პატრიარქის თანამოსაყდრეობაზე - ვღელავ, რამეთუ ეს არის უდიდესი ჯვარი - ჩემი თავი მიმაჩნია უღირსად ამ მსახურებისთვის. ირაკლი კობახიძე - ჩვენ უდიდეს პატივს ვცემთ უწმინდესის გადაწყვეტილებას. მეუფე გერასიმე - ღმერთმა ჯანმრთელად გვიმყოფოს, კიდევ მრავალ წელს იქნება ჩვენი პატრიარქი საქართველოს ეკლესიის საჭეთმპყრობელი. დეკანოზი თეოდორე გიგნაძე - არსებული ცვლილებები პრობლემების მოგვარებისკენ არის მიმართული. თეოლოგი გიორგი ტიგინაშვილი - პატრიარქმა მიიღო კეთილგონივრული გადაწყვეტილება, რეალობა შეაფასა სწორად და შესაბამისად იმოქმედა.

      ვახსენე გადაფარათქო, თუმცა სრულად არ გამქრალა დღის ცესრიგიდან - მამუკა მდინარაძე - ყველას ვთხოვთ, გააცნობიერონ თითოეული განცხადების თუ ფრაზის მოსალოდნელი ნეგატიური შედეგები. ეკა ბესელია - თანამედროვეობის ყველაზე რთულ გამოწვევებს ცივილიზებული სამყარო ხვდება ერთობით და არა ჩასაფრებულის პოზიციით. გიორგი მოლოდინი - ნებისმიერი დამალული ამბავი ხელისუფლების საწინააღმდეგოდ მუშაობს, რადგან ჭორი, დეზინფორმაცია და პროპაგანდა ჩნდება იქ, სადაც არ არსებობს ინფორმაცია. ამირან სალუქვაძე გაბრიელ სალოსის გამზირზე მომხდარზე - ამ ფაქტმა გვიჩვენა, რომ სახელმწიფოს უსაფრთხოებას მეტი ყურადღება სჭირდება. სპეცოპერაციის დროს ლიკვიდირებული პირები ექსპერტიზის ბიუროში არიან გადასვენებული. პანკისის უხუცესთა კავშირის თავჯდომარე - სპეცოპერაციასთან დაკავშირებულ პროცესში ხეობაში მცხოვრები ჩეჩნების მონაწილეობა გამორიცხულია. წინასწარი ინფორმაციით, სპეცოპერაციისას განხორციელებული სროლისა და აფეთქებების შედეგად მინიმუმ 8 საცხოვრებელი ბინა დაზიანდა. სერგი კაპანაძე - „ევროპული საქართველო“ სუს-ისგან სპეცოპერაციაზე დეტალური ინფორმაციის წარდგენას ელოდება. მეზობლების ინფორმაციით, ბინა, სადაც სპეცოპერაცია ჩატარდა, რამდენიმე ახალგაზრდა მამაკაცზე იყო გაქირავებული. ექიმის ინფორმაციით, სპეცოპერაციის დროს დაჭრილი სამი სამართალდამცველის ჯანმრთელობის მდგომარეობა სტაბილურია. მეზობლები - ბინაში, სადაც სპეცოპერაცია ჩატარდა, რამდენიმე ახალგაზრდა მამაკაცი ცხოვრობდა, თუმცა ისინი ჩვენთან კომუნიკაციაში არ შემოდიოდნენ. ელენე ხოშტარია - სპეცოპერაციის თემაზე აბსოლუტურად დაუშვებელია ნიშნის მოგებით შეფასებები ან პოლიტიკური სპეკულაციები. ვახტანგ ქუთათელაძე - საზოგადოებამ არც უნდა იცოდეს რა ხდებოდა კულისებს მიღმა, მაგრამ სპეცოპერაციის ჩამტარებელი ვალდებულია მოსახლეობა ჩააყენოს საქმის კურსში იმ დონეზე, რომ არ დაიწყოს პანიკა. პატრიარქი - საქართველომ გუშინ დიდი განსაცდელი გამოიარა - ღმერთმა გვაშოროს შინაური და გარეული მტერი. კახა კალაძის ინფორმაციით, იმ კორპუსის აღდგენითი სამუშაოები, სადაც გუშინ სპეცოპერაცია მიმდინარეობდა, უახლოეს დღეებში დაიწყება. ზაალ კასრელიშვილი - დაჯგუფება ახმედ ჩატაევის იყო, მაგრამ თვითონ პირადად არ მგონია, რომ იქ იმყოფებოდა. ისნის გამგებელი - სპეცოპერაციისას სამი სართულია დაზიანებული, ამ დროისთვის მოგვმართა 12-მა ოჯახმა, გუშინ სასტუმროში განთავსდა სამი ოჯახი. სპეცოპერაციის შედეგად დაზიანებული ერთ-ერთი ბინის მეპატრონე - სანამ არ გადაწყდება, რომ კორპუსში შესვლა უსაფრთხოა, მანამდე სასტუმროში ვიქნებით. თამარ ჩუგოშვილი - ძალოვანებს უნდა მივცეთ საშუალება, რომ საკუთარი საქმე გააკეთონ.

      შს მინისტრის განცხადებები - გიორგი გახარია პოლიციელებს - თქვენ ხართ ის ადამიანები, რომლებიც ყოველდღიურ რეჟიმში ზრუნავთ ჩვენი მოქალაქეების უსაფრთხოებაზე. შს მინისტრი ჩატარებულ სპეცოპერაციაზე - გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. გიორგი გახარია ჩატაევის შესახებ შეკითხვაზე - უნდა დაველოდოთ გამოძიების და ექსპერტიზის დასრულებას. შს მინისტრი პოლიციელებს - ძალიან დიდი გეგმები გვაქვს, ძალიან სერიოზული გარდაქმნები, რომ კიდევ უფრო ახლოს მივიდეთ თითოეულ მოქალაქესთან.

      სახალხო დამცველის კანდიდატურები - მმართველი გუნდი სახალხო დამცველის თანამდებობაზე, სავარაუდოდ, ნინო ლომჯარიას კანდიდატურას განიხილავს. ეკა გიგაური - მნიშვნელოვანია, რომ ჩამოყალიბებული ტრადიცია ომბუდსმენის არჩევის პროცესში არასამთავრობოების ჩართვასთან დაკავშირებით გრძელდება. თამარ ჩუგოშვილი - პარლამენტის მხრიდან სწორი გადაწყვეტილება იქნება, თუ სახალხო დამცველს არასამთავრობო სექტორის მიერ შემოთავაზებული კანდიდატებიდან აირჩევს. გია ვოლსკი - ვიზიარებ მოსაზრებას, რომ კარგი იქნება, თუკი მომავალი სახალხო დამცველი არასამთავრობო ორგანიზაციების მიერ შეთავაზებული კანდიდატებიდან შეირჩევა

      კარგი ამბავი - მოჭიდავე შმაგი ბოლქვაძე მსოფლიო ჩემპიონი გახდა.

საზღვარგარეთულები:

      აქციები პარიზში - პარიზში აქციის მონაწილეების დასაშლელად ცრემლსადენი გაზი გამოიყენეს.

წყაროები: ქართული ინტერნეტ საინფორმაციო პორტალები

◄ წინადღის ამბები

მომდევნო დღე ►