თვითმკვლელობამდე მიყვანა და საზარელი შედეგი ბარბარობას

[Giorgi]

      შუაღამის ამბები უსიამოვნოდ იწყება - 15 წლის მოზარდი რომელმაც რამდენიმე დღის წინ თვითმკვლელობა სცადა დღეს იაშვილის კლინიკაში გარდაიცვალა. ამ თემამ დღის ყველა სხვა ამბავი გადაფარა. არადა, დღეს ბარბარობაა. დღის მთავარ თემებში ასევე იყო ვაჟა გაფრინდაშვილი და ამერიკელი კონგრესმენების შენიშვნები.

საქართველოს და მსოფლიოს ამბები / 17 დეკემბერი, 2019

      საღამოს ტრაგიკული ამბავი - 15 წლის მოზარდი, რომელმაც თვითმკვლელობა სცადა, დღეს იაშვილის კლინიკაში გარდაიცვალა. შსს-ს ინფორმაციით, 10 დეკემბერს "112“-ზე განხორციელებული შეტყობინების საფუძველზე თბილისში, „მწვანე სკოლის“ შიდა და გარე ტერიტორიაზე გაკეთებული წარწერების ფაქტზე გამოძიება დაიწყო. პოლიციის განყოფილებაში მოწმის სახით, მშობელთან ერთად გამოიკითხა არასრულწლოვანი პირი, ამავე სკოლის ყოფილი მოსწავლე, რომელმაც უარყო „მწვანე სკოლის“ კედლების მოხატვა. არსებული ინფორმაციით, ამის შემდეგ არასრულწლოვანმა თვითმკვლელობა სცადა. მოზარდის თვითმკვლელობამდე მიყვანის ფაქტზე გამოძიება სისხლის სამართლის კოდექსის 115-ე მუხლით მიმდინარეობდა. ბოლო დღეებია აქტიურად მიმდინარეობ კამპანია #ამცხოვრებისდედაც - სწორდ ეს სიტყვები ეწერა სკოლის კედლებზე. იაშვილის კლინიკის დირექტორის ინფორმაციით, 15 წლის მოზარდს გული გაუჩერდა. ნინო ლომჯარია 15 წლის მოზარდის გარდაცვალებაზე - ეს შემთხვევა მთლიანად საზოგადოების ტრაგედიაა, რადგან კიდევ ერთხელ ვერ შევძელით დაგვეცვა ბავშვის სიცოცხლე. 15 წლის მოზარდის მიმართ ჩვენების იძულების ფაქტზე გამომძიებელია დაკავებული. გარდაცვლილი 15 წლის მოზარდის ოჯახის ადვოკატი გამომძიებლის დაკავებაზე - მეეჭვება, რომ ყველა საგამოძიებო მოქმედება ბოლო 20 წუთში ჩატარებულიყო. მოძრაობა "გაბედეს" და "სირცხვილიას" წევრებმა დიღმის პოლიციის შენობაზე პლაკატი წარწერით -"ამ ცხოვრების დედაც” გააკრეს

      ვაჟა გაფრინდაშვილი ჯერ კიდევ ტყვეობაში რჩება - დავით ზალკალიანი - მუდმივი კომუნიკაციის რეჟიმში ვიმყოფებით შესაბამის სტრუქტურებთან, რომ ვაჟა გაფრინდაშვილის ტყვეობა რაც შეიძლება სწრაფად დასრულდეს. ზურაბ აბაშიძე - იმედი მაქვს, რომ ვაჟა გაფრინდაშვილი უმოკლეს ვადაში გათავისუფლდება. მაგრამ ეს საკითხი სრულად გადაფარა თბილისის საკრებულოს დეპუტატის განცხადებამ და დღეს მის კაბინეტთან გამართულმა არაერთმა აურზაურმა და შეხლა-შემოხლამ.

      განათებების მონტაჟი - საახალწლო განათებების მონტაჟის გამო, ღამის საათებში პირველი რესპუბლიკის მოედნიდან თავისუფლების მოედნამდე მონაკვეთი გადაიკეტება.

      მკაცრი კონგრესმენები - ამერიკელი კონგრესმენები გიორგი გახარიას - სიახლე, რომ ასობით პროტესტანტი, ჟურნალისტი და პოლიტიკური ოპოზიციის ლიდერი დაშავდა, გავრცელებული ინფორმაციით, მთავრობის მიერ სანქცირებული ძალადობით, თავზარდამცემია. ამერიკელი კონგრესმენები - წარმომადგენელთა პალატამ ახლახანს საქართველოსადმი მხარდაჭერის დემონსტრირება მოახდინა „მხარდაჭერის აქტის“ მიღებით - ახლა ხელისუფლების ჯერია, მიჰყვეს თავის ვალდებულებებს საქართველოს ხალხის წინაშე. დავით ზალკალიანი კონგრესმენების განცხადებაზე - საქართველოში მიმდინარე პროცესებზე ურთიერთგამომრიცხავი ინფორმაცია მიდის ვაშინგტონამდე. ზვიად კვაჭანტირაძე ამერიკელი კონგრესმენების წერილზე - მსგავსი სიმკაცრის, ხასიათის და ტონალობის წერილი რაც მე პოლიტიკაში ვარ, არ მახსოვს. სულხან სალაძე კონგრესმენების წერილზე - თუ ქვეყანაში პროცესი ისევ ჩიხში იქნება, დიდი ალბათობით, შეფასებები კიდევ უფრო მკაცრი გახდება. ანრი ოხანაშვილი კონგრესმენების წერილზე - ყველაფერს გავაკეთებთ, რომ პარტნიორები საქმის კურსში ჩავაყენოთ, რის გაკეთებას ცდილობდნენ დესტრუქციული ჯგუფები და რა ჰქონდათ ჩაფიქრებული. არჩილ თალაკვაძე კონგრესმენების წერილზე - საქართველოს ხელშესახები პროგრესი აქვს და ის ორი საკითხი თავისი მნიშვნელობით არ შეიძლება მას გაუტოლდეს. ლევან კობერიძე - კონგრესმენების განცხადებაში ზუსტად იმ საკითხებზეა საუბარი, რის გამოც მმართველი გუნდი დავტოვეთ.

      გახარიას ინტერვიუები - გიორგი გახარიას განცხადებით, საქართველომ ევროპის საბჭოს თავმჯდომარეობა აქტუალური საკითხების დღის წესრიგში დასაყენებლად უნდა გამოიყენოს. ჩვენი ქვეყნის ერთიანობის საბოლოოდ აღდგენისთვის, ომის გარდა ყველა ინსტრუმენტი უნდა. გამოვიყენოთ. ყურადღება უნდა გავამახვილოთ ბრიტანეთის და ჩრდილო ირლანდიის მიმართულებით, სადაც სერიოზული პერსპექტივა გვაქვს და უფრო მეტი უნდა ვიმუშავოთ. პატარ-პატარა „ქეისებისგან“ შედგება ის სურათი, რომელიც გვაძლევს საშუალებას, ჩვენს ევროპელ პარტნიორებს რეალურად დავანახოთ, თუ რა არის საოკუპაციო ხაზი. რაც უფრო მეტ შედეგებს ვაღწევთ, ჩვენი მეგობრები და პარტნიორები ჩვენგან მეტს ითხოვენ და მეტი მოლოდინები აქვთ.

      სასამართლოს პრობლემა - ელიზაბეთ რუდი - გარკვეული შენიშვნები გვქონდა და იმისათვის, რომ ეს პრობლემები გადაიჭრას, საქართველოსთან გავაგრძელებთ თანამშრომლობას მომავალი მოსამართლეების შერჩევის პროცესში. ვახუშტი მენაბდე - უზენაეს სასამართლოში „კლანის“ წევრები დაინიშნენ - ველოდებით შალვა თადუმაძის დაწინაურებასაც.

      დამალული ფული - შემოსავლების სამსახურმა საგადასახადო სამართალდარღვევის 382 ფაქტი გამოავლინა.

საზღვარგარეთულები:

      ნეპოტიზმი? - აზერბაიჯანის ერთ-ერთი მუნიციპალიტეტის ხელმძღვანელმა არჩევნებში კანდიდატებად საკუთარი თავი, შვილები, დები, ძმები, ძმისშვილი და დისშვილი წარადგინა

      კოსმოსური სამხედრო - ახალი თავდაცვის პოლიტიკის კანონპროექტის მიხედვით, შეერთებული შტატები კოსმოსურ სამხედრო ძალებს ქმნის

წყაროები: ქართული ინტერნეტ საინფორმაციო პორტალები

◄ წინა ამბები

მომდევნო ამბები ►