სწავლის დასაწყისი და განათლების ეროვნულობა, პატრიოტიზმი „ანტირუსული“ ძახილით

[Giorgi]

      სექტემბერის მთელი ხიბლი სწორედ დღევანდელ დღეს გადმოიღვარა - სწავლა დაიწყო და ათეთრებული, აბავშვებული, ამხიარულებული და გაოცებული ქალაქი მშვენიერი სანახავი იყო. დღის ამბავიც სწორედ, განათლების და მომავლის შესახებ გვიყვებოდა.

საქართველოს და მსოფლიოს ამბები / 16 სექტემბერი, 2019

      სწავლა დაიწყო! - საქართველოს საჯარო სკოლებში სწავლა დაიწყო. დავით ბაქრაძე - თითოეულ პირველკლასელს სწავლის დაწყებას ვულოცავ, ღირსეულ, წელში გამართულ ქვეყანაში ეცხოვროთ. პრემიერმა მოსწავლეებს ახალი სასწავლო წლის დაწყება მიულოცა. განათლების მინისტრის განცხადებით, სკოლებში, სადაც სასწავლო წელი სარეაბილიტაციო სამუშაოების გამო დაგვიანებით დაიწყება, გაცდენილი საათები შაბათს ანაზღაურდება.

      ევრო სტუმარი - საქართველოს ევროკომისარი იოჰანეს ჰანი სტუმრობს. იოჰანეს ჰანი, მიხეილ ბატიაშვილი და კარლ ჰარცელი ევროპული აღმოსავლეთ პარტნიორობის წევრი ქვეყნებიდან ბაკალავრიატის მოსწავლეებს შეხვდნენ. გიორგი გახარია - „ევროპული სკოლის" მშენებლობა კიდევ ერთი დამადასტურებელი მაგალითია, რომ საქართველოსა და ევროკავშირს შორის პარტნიორობა ღრმავდება. კახა კალაძემ ევროპული სკოლის კომპლექსის მშენებლობის ადგილას სიმბოლური კაფსულის ჩადების ცერემონიაში მიიღო მონაწილეობა. იოჰანეს ჰანი - მადლობას ვუხდი განათლების მინისტრს ბრწყინვალე თანამშრომლობისთვის. იოჰანეს ჰანი - უზენაეს სასამართლოში მოსამართლეების დანიშვნის პროცესი არა მარტო ბრიუსელიდან, არამედ ევროკავშირის წევრი ქვეყნების დედაქალაქებიდან არის ყურადღების ცენტრში. გიორგი გახარია - ხაზგასმით მინდა აღვნიშნო, რომ ევროკავშირთან ინტეგრაციის პროცესი სულ უფრო მეტ შედეგს მოგვიტანს.

      დანიაში მიწვევა - პრეზიდენტი კოპენჰაგენში ჯანდაცვის მსოფლიო ორგანიზაციის რეგიონული ოფისის 69-ე სესიას დაესწრო.

      თანაბარუფლებიანობა ეთერსი - პარლამენტის ბიუროს წარედგინება გია ჟორჟოლიანის პროექტი, რომლის მიხედვით, საარჩევნო კამპანიისას, ტელევიზიებმა უსასყიდლოდ დრო ყველა საარჩევნო სუბიექტს უნდა დაუთმონ.

      მასპინძლობა - ილია მეორემ პრემიერ-მინისტრს საპატრიარქოში უმასპინძლა.

      ხაზარაძის ნიუსბლოკი - მამუკა ხაზარაძის განცხადებით, სიცრუეა, თითქოს პროკურატურის მხრიდან სადავოდ გახდილი 17 მილიონი სააკაშვილის ხელისუფლებამ წაიღო. ვინმეს სჯერა, რომ ვანო ჩხარტიშვილის ნაამბობი მართალია, რომელიც ბიძინა ივანიშვილთან ერთად სახელმწიფოებრივ საქმეებს პროკურორის თანდასწრებით არჩევს? მამუკა ხაზარაძე - გახარია იყო ადამიანი, რომელიც მინისტრის რანგში ანაკლიის განვითარების გეგმას ეწინააღმდეგებოდა - მაია ცქიტიშვილმა ინვესტორები, პრაქტიკულად ოთახიდან გამოაგდო. გიორგი გახარია - ბევრ საოცარ რამეს ამბობს ხოლმე მამუკა ხაზარაძე: წერილი, ოქმი - მოიტანოს და გვანახოს. ზვიად რატიანი - პროკურატურაში გვანახეს კადრები, ხაზარაძის ხელმოწერით. მამუკა ხაზარაძე - რატიანმა მოიტანოს დოკუმენტაცია, სადაც ჩემი ხელმოწერით რაღაც არსებობს, თუ არადა მთელი სიმკაცრით აგებს პასუხს - არ უშველის არც ავსტრიაში გაქცევა და არც ნახევრად ლოთური საუბარი.

      ოცნებიდან მოსაუბრე - ვოლსკი ტრიბუნასთან - „ევროპული საქართველოს" დადგენილების მიღება რუსეთის მხრიდან საპასუხო სანქციებს გამოიწვევს. ცნობისთვის, ევროინტეგრაციის კომიტეტი “ევროპული საქართველოს“ პროექტს განიხილავს, რომელიც ოკუპაციის საკითხის საერთაშორისო დღის წესრიგში აქტუალიზაციის თაობაზე სპეციალური დადგენილების მიღებას გულისხმობს. არ შეიძლება ვინმე კრემერის აბსოლუტურად შეუსაბამო საქციელი დაუკავშირო აშშ-ს. როგორმე უნდა გამოვიდეთ ამ მძიმე ტრენდიდან, რაც საქართველოს თავს მოახვიეს პოლიტიკურმა ჯგუფებმა, თუ საგარეო ფაქტორებმა. ხაზარაძეზე - არალოგიკურია, რომ მძლავრი ინვესტორი ხელაღებით და ხელაქნევით მოიშორეს თავიდან.

      პატრიოტიზმი „ანტირაშას“ ძახილით - სალომე სამადაშვილი - მოვუწოდებთ ყველას, 20 სექტემბერს პარლამენტთან მოვიდეს, რათა ხმამაღლა განვაცხადოთ პროტესტი რუსული ხელისუფლების წინააღმდეგ. „ნაცმოძრაობა“ „ევროპული საქართველოს“ დადგენილების პროექტს საქართველოს ტერიტორიების ოკუპაციის საკითხის საერთაშორისო დღის წესრიგში აქტუალიზაციაზე მხარს დაუჭერს. სალომე სამადაშვილი - ივანიშვილისთვის დღეს ბევრად მნიშვნელოვანია კმაყოფილი იყოს ჩრდილოელი მეზობელი, ვიდრე ქართველი ხალხი. ზაზა გაბუნია სალომე სამადაშვილის განცხადებას „იაფფასიანს და ფსევდოპატრიოტულს“ უწოდებს. სერგი კაპანაძე - „ქართული ოცნება" პრორუსულ განწყობებს აღარც მალავს. გიგა ბოკერია - დღეს მოხდა აღიარება, რომ „ქართულ ოცნებას“ ამოცანად აქვს, რუსეთს სანქციები არ დაუწესდეს. გიგა ბოკერია - მთავრობა, რომელიც მხარს უჭერს უკრაინას, რატომ შეიძლება საკუთარი ქვეყნის პრობლემების გამო რუსეთისთვის სანქციების წინააღმდეგი იყოს, პასუხი ხომ არ გაქვთ? ევროინტეგრაციის კომიტეტის სხდომა ხმაურის ფონზე მიმდინარეობდა. ამუკა მდინარაძე - ხელისუფლების პრაგმატული პოლიტიკა მხარდაჭერილია დასავლელი პარტნიორების მიერ და შედეგად აუცილებლად მოხდება ჩვენი ქვეყნის დეოკუპაცია. თამარ ხულორდავა გიგა ბოკერიას - სულ მძაბავთ თქვენი აქტიურობით, დამაცადეთ, რომ ჩემი პოზიცია ვთქვა. თინა ბოკუჩავა თამარ ხულორდავას - ცეკას ინსტრუქტორის გია ვოლსკის მესიჯ ბოქსს კი არ უნდა მისდევდეთ, მინიმალურ წინააღმდეგობას მაინც უნდა უწევდეთ. სოფიო ქაცარავა გიგა ბოკერიას - კარგი შოუ დადგით - მთელი თქვენი ნიჭი ამისკენ უნდა მიმართოთ, რადგან ეს უკეთ გამოგდით, ვიდრე საგარეო პოლიტიკის მართვა. არჩილ თალაკვაძე „ევროპული საქართველოს“ დადგენილებაზე - ნებისმიერ ინიციატივას, რომელიც იქნება აგრესიული ფსევდოპატრიოტიზმი, მმართველი გუნდი მხარს არ დაუჭერს. მამუკა მდინარაძე ოთარ კახიძეს - თქვენს მიერ დაანონსებულ ფსევდოპატრიოტულ ცეკვებში ვერ აგყვებით.

      მისიის განცხადება - ევროკავშირის სადამკვირვებლო მისია - ადმინისტრაციულ სასაზღვრო ხაზთან შეიარაღებული პირების მუდმივი კონცენტრაცია წარმოადგენს რისკს სტაბილურობისთვის.

საზღვარგარეთულები:

      ბოდიში - მოსკოვი ვაშინგტონს იუგოსლავიის დაბომბვის გამო ბოდიშის მოხდისკენ მოუწოდებს.

      მიწვევა - კიმ ჩენ ინი დონალდ ტრამპს ფხენიანში იწვევს.

წყაროები: ქართული ინტერნეტ საინფორმაციო პორტალები

◄ წინადღის ამბები

მომდევნო დღე ►