აფეთქების პასუხისმგებლობა, განათლების ქალაქი და წითელას ეპიდემია

[Giorgi]

      იანვრის სადღესასწაულო ნიუსები სრულად გადაფარა ტრაგედიებმა. ყველა საინფორმაციო სწორედ ამ თემებზეა გადართული და დღეს უკვე გამოძიების და დაკავებების პირველი ამბებიც გამოჩნდა. ამას გარდა, დღევანდელი დღე განათლების მომავალსაც მიეძღვნა. უკვე დაუსრულებელ თემად იქცა მოსამართლეების სია და ეპიდემიებში, ღორს წითელა ცვლის.

საქართველოს და მსოფლიოს ამბები / 18 იანვარი, 2019/

      აფეთქების პასუხისმგებლობა - ალეკო ელისაშვილი - მომხდარ ტრაგიკულ შემთხვევაზე პასუხისმგებლობა ეკისრება როგორც ზედამხედველობის სამსახურს, ისე თბილისის მერიასა და მთავრობას. დირექტორის დაკითხვა - გიორგი ჭანტურიას მიმართ ისეთი კითხვები დაისვა, რომ პოლიციის მიზანია, სამწუხაროდ, დანაშაული გადატყდეს სამშენებლო კომპანიაზე. ძალიან ცუდია, როდესაც ბრალეულობა რა მიმართულებითაც შეიძლება გამოიკვეთოს, ამ მიმართულებით არ მიდის გამოძიება. „ყაზტრანსგაზს“ ჰქონდა აღებული პასუხისმგებლობა და ჩვენ მოსახლეობის სახელით მოვამზადებთ სარჩელს და მოვთხოვთ კომპანიას ზარალის ანაზღაურებას. გიორგი ჭანტურიას არანაირი ბრალი არ მიუძღვის, თუმცა, გამორიცხული არაფერია“, - განაცხადა ალექსანდე კობაიძემ დღეს გამოკითხვის დასრულების შემდეგ. კახა კალაძე - როგორც კი დიდ დიღომში დასრულდება საგამოძიებო მოქმედებები, დანგრეული შენობის აღდგენით სამუშაოებს დავიწყებთ. ამ ემოციურ ფონზე გამოჩნდნენ დაჯგუფებები, რომლებიც ცდილობენ მერიის და პირდადად ჩემს დისკრედიტაციას, პირადად მაკავშირებენ აფეთქებასთან. შენობის ექსპლუატაციაში მიღებისას, ბუნებრივი აირის ქსელის უსაფრთხოების შემოწმება მუნიციპალური ინსპექციისა და მერიის კომპეტენციაში არ შედის. დღეს, კანონით, ადამიანებს შეუძლიათ იმ შენობებში ცხოვრება, რომელიც ექსპლუატაციაში არ არის მიღებული. ვიდრე არაკვალიფიციური პოპულისტები, თუ მიკერძოებული მედიასაშუალებები ასეთ ტრაგედიაში ვინმესკენ თითს გაიშვერენ, ურჩევნიათ, კანონმდებლობას ჩახედონ. ენერგოომბუდსმენის შეფასებით, თუ „ყაზტრანსგაზის“ წარმომადგენლებმა საფრთხის წყარო ვერ აღმოაჩინეს, ეს ან არაპროფესიონალიზმია, ან საქმისადმი გულგრილი დამოკიდებულება. ადვოკატი - გამოძახებაზე მისულ „ყაზტრანსგაზის" თანამშრომლებს როდესაც უთხრეს, რომ ლიფტი მე-9 სართულამდე ვერ ადის, მათ ფეხით ასვლა და შემოწმება დაეზარათ. გიგი უგულავა - კახა კალაძის მესიჯი დღეს იყო ხელის გაშვერა სხვისკენ და გადაბრალება. რევაზ სოხაძე - ტრაგედია, რომელიც რამდენიმე დღის წინ დიდ დიღომში დატრიალდა, სახლების ექსპლუატაციაში მიღებასთან დაკავშირებული არ არის. ლევან ჟორჟოლიანი - თბილისში დატრიალებულ ტრაგედიასთან დაკავშირებით ოპოზიციის მიერ გაკეთებული განცხადებები პოლიტიკური ფარისევლობაა. არჩილ თალაკვაძე - მშენებლობასთან დაკავშირებული კანონმდებლობა სწორედ კახა კალაძის და მერიის ინიციატივით გამკაცრდა. ბექა ოდიშარია - არიან ადამიანები, ვინც ჩვენი თანამოქალაქეების ტრაგედიას მყისიერად გადააქცევენ საკუთარი პოლიტიკური დღის წესრიგის ნაწილად. ანრი ოხანაშვილი - დიდ დიღომში მომხდარი ტრაგედიის პოლიტიკური მიზნებისთვის გამოყენება ან ქალაქის მერზე ბრალდებები ამორალურია. შსს-მ დიდ დიღომში მომხდარი აფეთქების ფაქტზე "ყაზტრანსგაზ - თბილისის” ორი თანამშრომელი დააკავა. „ყაზტრანსგაზის“ დაკავებული თანამშრომლის და - ჩემი ძმა ამბობს, რომ სათითაოდ შეამოწმეს ყველა სართული, არ დაფიქსირდა სუნი და არც აპარატმა დააფიქსირა გაჟონვა. „ყაზტრანსგაზ-თბილისის" თანამშრომლის ადვოკატი - ჩემი დაცვის ქვეშ მყოფი სამსახურში დააკავეს, ჯერ არ ვიცი რას ედავებიან.

      მოსამართლეთა სია - სერგო მეთოფიშვილი - რასაც ეკა გიგაური, სულხან სალაძესთან და ბესელიასნაირ პოლიტიკოსებთან ერთად გვთავაზობს, შეიძლება ეწოდოს - თავხედი და ზღვარსგადასული თვითნებობა. ეკა ბესელია ვანო ზარდიაშვილზე - ეს ადამიანი ჩემი საპირწონე არ არის - მე თავს ერთ სიბრტყეში არ ვაყენებ. ეკა ბესელიას ინფორმაციით, ირაკლი კობახიძისგან მართლმსაჯულების რეფორმის საკითხებზე შექმნილ სამუშაო ჯგუფის შეხვედრაში მონაწილეობის შესახებ შეტყობინება არ მიუღია. ანა დოლიძე - ჩინჩალაძესა და მურუსიძეს უნდათ მოსამართლეების შერჩევის სამუშაო ჯგუფის შეხვედრების დახურვა, რომ ჩუმად გარიგდნენ ზარდიაშვილთან და კობახიძესთან.

      გერმანიიდან დეპორტირებულები - გერმანიიდან საქართველოს 62 მოქალაქის დეპორტაცია განხორციელდა. ელგუჯა ხოკრიშვილი - გერმანიის მიერ უსაფრთხო ქვეყნების სიაში საქართველოს შეყვანასთან დაკავშირებულ გადაწყვეტილებას საფრთხე არ ემუქრება.

      ამოწურული ქულები - 2018 წელს ქულების ამოწურვის გამო, მართვის უფლება 124 პირს შეუჩერდა. 2018 წელს ნარჩენების მართვის კოდექსის დარღვევის 566 ფაქტი გამოვლინდა.

      განათლების ამბები - განათლების სამინისტრო სწავლის დაწყებასთან დაკავშირებით სასწავლო დაწესებულებებს რეკომენდაციით მიმართავს - 21 იანვარს საქართველოში სასწავლო პროცესი განახლდება. შესაბამისად, ვირუსების გავრცელების პრევენციის მიზნით, საქართველოს განათლების, მეცნიერების, კულტურისა და სპორტის სამინისტრო კიდევ ერთხელ მიმართავს რეკომენდაციით სასწავლო დაწესებულებებს, სწავლის პროცესის დაწყებამდე, შენობები სადეზინფექციო სამუშაოებით უზრუნველყონ. სალომე ზურაბიშვილი მიხეილ ბატიაშვილს ათონელის ქუჩაზე მდებარე სასახლეში შეხვდა. მიხეილ ბატიაშვილის ინიციატივით განათლებისა და მეცნიერების ქალაქი აშენდება. მიხეილ ბატიაშვილი - „ახალი განათლებისა და მეცნიერების ქალაქი“ გახდება მაღალი ხარისხის განათლების სტანდარტის ნიმუში ჩვენს ქვეყანაში. ჯანდაცვის სამინისტრო განათლების სამინისტროსთან სასწავლო პროცესის განახლების საკითხზე შემაჯამებელ კონსულტაციებს გამართავს. 2019 წლის სექტემბრიდან მასწავლებლის სტატუსის მოსაპოვებლად საკვალიფიკაციო გამოცდები ჩატარდება. მიხეილ ბატიაშვილი - ყველა წარმატებულ პედაგოგს, შესაძლებლობა უნდა მიეცეს, თავისი ცოდნიდან გამომდინარე, ნებისმიერი სტატუსი მიიღოს. განათლების მინისტრის მიხეილ ბატიაშვილის განცხადებით, WorldAtlas-ის კვლევა, რომელმაც საქართველო ყველაზე ცუდი განათლების სისტემის მქონე ქვეყნების სიაში შეიყვანა, გარკვეულ საკითხებში გაკვირვებას იწვევს. განათლების მინისტრი - სასწავლო პროცესში აქტიურად ჩართული პედაგოგების სახელფასო ანაზღაურება 1500 ლარიდან დაიწყება.

      წითელას ეპიდემია - ამირან გამყრელიძე - ვისაც 5 წლის ასაკამდე წითელას საწინააღმდეგო ვაქცინა გაკეთებული აქვს, დამატებით აცრას აღარ საჭიროებს. 5 წლამდე ჩასატარებელი გეგმური ვაქცინების სავალდებულობის საკითხს მთავრობის სხდომაზე განიხილავენ. დავით სერგეენკო - საღამოს ავამუშავებთ პროტოკოლს, რომლითაც ყველა ასაკის ადამიანისთვის წითელას ვაქცინის ადმინისტრირება იქნება უფასო.

      წინა ეპიდემია - საქართველოში ე.წ. ღორის გრიპით გარდაცვალების ლაბორატორიულად დადასტურებული 18 შემთხვევა დაფიქსირდა.

საზღვარგარეთულები:

      ფეისბუკის ჩარევები - „ფეისბუქმა“ რუსული სააგენტო „სპუტნიკის“ კუთვნილი რამდენიმე ასეული გვერდი და ანგარიში გააუქმა.

      ამერიკული ShutDown - დონალდ ტრამპმა ე.წ.შათდაუნის გამო, აშშ-ს კონგრესის წარმომადგენელთა პალატის სპიკერის შვიდდღიანი ტურნე ბრიუსელში, ეგვიპტეში და ავღანეთში გადადო. პენტაგონის ხელმძღვანელის მოადგილე - 2025-2030 წლებში აშშ კოსმოსიდან სარაკეტო საფრთხეების აღმოჩენის მზა სისტემის შექმნას იმედოვნებს.

წყაროები: ქართული ინტერნეტ საინფორმაციო პორტალები

◄ წინადღის ამბები

მომდევნო დღე ►