მრავალპროფილიანი ექიმები, საკრებულო-მერია, ნარკოპოლიტიკა, მსჯავრდებული ვექილი, უზრუნველი სიბერე და ტელეიმედის საქმე

[Giorgi]

      ქვეყნის იმიჯზე ზრუნვა ყველა ადამიანის მოვალეობაა, განურჩევლად, მისი სტატუსისა თუ თანამდებობისა სახელმწიფოს სამსახურში. ამ მხრივ, დღეს რამდენიმე მნიშვნელოვანი მიმართულება დომინირებდა - პარაოლიმპიელები ჩემპიონობდნენ, პრეზიდენტი პოლონეთში საქართველოს წარადგენდა, მთავრობა ევროპაში საქართველოზე საუბრობა და ქვეყანა კი, ილია ჭავჭავაძეს იხსენებდა.

საქართველოს და მსოფლიოს ამბები / 8 ნოემბერი, 2017/

      საქართველოს პრეზიდენტი პოლონეთში - პრეზიდენტი პოლონეთის რესპუბლიკას ოფიციალური ვიზიტით ეწვია.

      მრავალსამსახურიანი ექიმები - დავით სერგეენკო - ექიმებისთვის რამდენიმე ადგილზე მუშაობის ასაკრძალად რეგულაციების შემოღება არ იგეგმება. დავით სერგეენკო - ხმები, რომ ზოგიერთი კლინიკა ოპერაციებში განუსაზღვრელად მაღალ ანაზღაურებას იღებს და ზოგიერთი - დაბალს, რეალობას არ შეესაბამება.

      ახალი საკრებულო - გიორგი ალიბეგაშვილი - ვისურვებდი, რომ მე-6 მოწვევის საკრებულო გაცილებით კონსტრუქციული და ორიენტირებული იყოს ქალაქის განვითარებაზე.

      მოწესრიგებული მიწისქვეშეთი - „თბილსერვის ჯგუფმა“ მიწისქვეშა გადასასვლელების მორეცხვა და განათებით აღჭურვა დაიწყო. „თბილსერვის ჯგუფის“ ხელმძღვანელი - თბილისში ახალ წელთან დაკავშირებით სიურპრიზები იქნება.

      დღეს ილია ჭავჭავაძე 180 წლის გახდა - გიორგი კვირიკაშვილი - ყველაფერი უნდა გავაკეთოთ, რომ ჩვენი ქვეყანა იყოს ისეთი, როგორზეც ილია ოცნებობდა. გიორგი მარგველაშვილი - ილიას მოღვაწეობამ საზოგადოებრივი ცხოვრების ყველა სფეროში დასახა გზა საქართველოს განვითარებისა, რომელსაც დღესაც მივყვებით. სოზარ სუბარი და უკრაინის ვიცე-პრემიერი ილია ჭავჭავაძის 180 წლის იუბილესადმი მიძღვნილ ღონისძიებას დაესწრნენ. ილია ჭავჭავაძის 180 წლის საიუბილეო თარიღის აღსანიშნავად გაზეთ „ივერიის“ სპეციალური გამოცემა დაიბეჭდა.

      ორგანიზაციული დანაშაულის ინდექსი - საქართველოში ორგანიზებული დანაშაულის ინდექსის მაჩვენებელი 37 პოზიციით გაუმჯობესდა.

      დასავლეთის შეფასებები ან საქართველო დასავლეთში - არჩილ თალაკვაძე – რეფორმებს, რომელიც საქართველომ პოლიციის და საზოგადოებრივი უსაფრთხოების სფეროში გაატარა, დასავლური ინსტიტუტები დადებითად აფასებენ. ირაკლი სესიაშვილი - საქართველოს აღიარება ერთ- ერთ უსაფრთხო ქვეყანად მსოფლიოში, ჩვენი ქვეყნისთვის მნიშვნელოვანი წარმატებაა. ვიქტორ დოლიძე - ევროკავშირთან უვიზო მიმოსვლის წესების სავარაუდო დამრღვევთა სტატისტიკა საგანგაშო არ არის.

      დაპატიმრებული ადვოკატის ამბები - ადვოკატი - გოგა ონიანი მზადაა, ამ უკანონო პატიმრობას გაუძლოს. სალომე სამადაშვილი - შვედი კოლეგებისთვის შემაშფოთებელი იყო იმის მოსმენა, რომ არჩევნების დასრულებისთანავე ოპოზიციური პარტიის წევრი, გოგა ონიანი დააკავეს. გიგა ბოკერია - გოგა ონიანის დაკავება გამოწვევაა არა მხოლოდ რომელიმე ოპოზიციური პარტიისთვის, არამედ მთლიანად ქვეყნისთვის.

      ნარკოპოლიტიკა - დიმიტრი ხუნდაძე - ნარკომომხმარებელი ციხეში არ უნდა ჩავსვათ, მაგრამ ეს საკითხი სისტემურად უნდა განვიხილოთ და შესაბამისი ალტერნატიული სერვისები უნდა იყოს. ნარკოლოგი დავით ოთიაშვილი - შიში, რომ დეკრიმინალიზაციის შემთხვევაში გაიზრდება ნარკომომხმარებელთა რაოდენობა, არაფრით არაა გამყარებული. დეკრიმინალიზაციის კანონპროექტით, პირი, თუ მას ნარკოტიკების მხოლოდ „დღიური დოზა“ ექნება, სისხლის სამართლის პასუხისმგებლობიდან უნდა გათავისუფლდეს. აკაკი ზოიძე - ნარკოტიკის მოხმარება რჩება დასჯადი, უბრალოდ, დადგენილი ოდენობის ფარგლებში დასჯის ფორმა იქნება ადმინისტრაციული და არა საპატიმრო. დავით სერგეენკო - ნარკოპოლიტიკის დეკრიმინალიზაციაზე ფართო მსჯელობაა საჭირო. ეკა ბესელია - ნარკოპოლიტიკასთან დაკავშირებით რამდენიმე საკითხია, რაზეც უწყებებს საწინააღმდეგო პოზიცია აქვთ.

      ზურაბ აბაშიძე - მოსკოვის განცხადებები, თითქოს ჩვენ მზად არ ვართ საბაჟო მონიტორინგის შესახებ შვეიცარიულ კომპანიასთან კონტრაქტების გასაფორმებლად, სინამდვილეს არ შეესაბამება. ზურაბ აბაშიძე - ამ ეტაპზე პრაღის ფორმატში ცვლილებების შეტანა არ იგეგმება, მომავალი გვიჩვენებს, რამდენად საჭირო იქნება რაიმე ცვლილებები.

      საპენსიო რეფორმა და პენსიების სისტემა - დავით სერგეენკო - პენსიების სისტემა საჭიროებს რეფორმას, რადგან არსებული სახით სულ უფრო რთულია ასაკით პენსიონერების ფინანსური მოთხოვნილებების უზრუნველყოფა.

      ტელეკომპანია იმედის საქმე - ჯარჯი წიკლაური - გამოძიებას აქვს მტკიცებულებები, რომ სააკაშვილი პატარკაციშვილს ძალის გამოყენებით დაემუქრა, თუ ის „იმედს“ ნებაყოფლობით არ დათმობდა.

საზღვარგარეთულები:

      ამბები უკრაინიდან - მიხეილ სააკაშვილმა დოკუმენტი გამოაქვეყნა, რაც, მისი თქმით, უკრაინაში მის ლეგალურად ყოფნას ადასტურებს. მიხეილ სააკაშვილი - გთავაზობთ, 3 დეკემბერს დავიწყოთ სახალხო იმპიჩმენტის პროცესი, დაე, ეს ხალხმა გააკეთოს. დიპლომატია გაწყვეტილობა - უკრაინის პარლამენტში არ ადასტურებენ ინფორმაციას, რომ რადამ, შესაძლოა, რუსეთთან დიპლომატიური ურთიერთობების გაწყვეტას უყაროს კენჭი.

      მოთმინების გამოცდა - დონალდ ტრამპი ჩრდილოეთ კორეას - ნუ გამოცდით ჩვენს მოთმინებას.

      სერგეი ლავროვი - ვლადიმერ პუტინი დონალდ ტრამპთან შეხვედრისთვის მზად არის.

წყაროები: ქართული ინტერნეტ საინფორმაციო პორტალები

◄ წინადღის ამბები

მომდევნო დღე ►