კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი თემა იყო პრემიერ კობახიძის ვიზიტი სომხეთში და სომეხი კოლეგის მასპინძლობა. რაც შეხება ამინდს - 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი, ზღვაზე შესაძლებელია 3-4-ბალიანი შტორმული ღელვა. დღეს 1 აშშ დოლარის ოფიციალური ღირებულება 2.7003 ლარია.

საქართველოს და მსოფლიოს ამბები | 25 მარტი, 2024

qwellynews, სიახლეები, ნიუსები, ამბები, მარტი

საეკლესიო სიხარული - ავტოკეფალიის დღე - შალვა პაპუაშვილი - საქართველოს მართლმადიდებელი ეკლესიის ავტოკეფალიის აღდგენა ქართული სახელმწიფოს სუვერენიტეტისა და თვითმყოფადობის ურთულეს გზაზე არის უდიდესი მნიშვნელობის მოვლენა. რელიგიის სააგენტო საქართველოს მართლმადიდებელ ეკლესიას და საქართველოს ყველა მოქალაქეს ავტოკეფალიის აღდგენის დღეს ულოცავს. მეუფე შიო - დღეს, როგორც არასდროს, გვმართებს, ვიფიქროთ, რა დიდი წყალობა გვებოძა ღვთისგან ავტოკეფალიური ეკლესიის სახით - დავფიქრდეთ, რა უნდა ვაკეთოთ, რომ არა მხოლოდ შენარჩუნდეს დიდი საუნჯე, არამედ ეკლესია და ქვეყანა კიდევ უფრო განვითარდეს.

საოჯახო ცვლილება კონსტიტუციაში - „ქართული ოცნება“ ოჯახურ ღირებულებათა შესახებ საკონსტიტუციო ცვლილებებს აინიცირებს. მმართველი გუნდის მიერ მომზადებული საკონსტიტუციო ცვლილებებით, შვილად აყვანა მხოლოდ ქორწინებაში მყოფ მეუღლეებს ან ჰეტეროსექსუალ პირებს შეეძლებათ, სქესის შეცვლა კი იკრძალება. ბექა ლილუაშვილი - „ოცნებას“, რომელიც ყოველდღე გვატყუებს, თითქოს 60% რეიტინგი აქვს, სინამდვილეში 35%-ის იმედიც კი არ აქვს - მიხედონ ხალხის გასაჭირს და არა საკუთარი გასაჭირის კანონების ჭრა-კერვით მოგვარებას. ბექა დავითულიანი - მმართველი გუნდი საკონსტიტუციო ცვლილებებს ოპოზიციის მხარდაჭერის გარეშე ვერ განახორციელებს, ამიტომ მათ საკუთარი მოსაზრების დაფიქსირება მოუწევთ. ბექა ლილუაშვილი - საკონსტიტუციო ცვლილებების განხილვაში ჩავერთვებით, რათა პროპაგანდა არ გახდეს “ქართული ოცნების” პოლიტიკური იარაღი - არავის მივცემთ საშუალებას, რომ ბავშვები პროპაგანდის ინსტრუმენტად გამოიყენონ. ვახტანგ მეგრელიშვილი - ტექსტი, რომელიც „ქართულმა ოცნებამ“ მოამზადა, არის აბსურდი და ადამიანის უფლებების შემზღუდავი - ადამიანს აქვს სრული უფლება თავის სხეულს როგორც უნდა ისე მოექცეს. მამუკა მდინარაძე - საკონსტიტუციო ცვლილებები გაცილებით მყარი გარანტიაა იმისა, რომ ვეღარასდროს შეძლოს ვერავინ ფსევდოლიბერალური პოზიციები, მისი მავნე შედგები საზოგადოებას თავს მოახვიოს, ჩაერიოს ოჯახური ღირებულებების დისკრედიტაციაში. უფლებების დაცვის კონტექსტში უნდა გავაძლიეროთ ძალისხმევა, მაგრამ ამავე დროს, უნდა დავუპირისპირდეთ პოპულარიზაციას იმიტომ, რომ თანამედროვე სამყაროში არის ეს უდიდესი გამოწვევები, რაც დაგვანახა ე.წ. თანამედროვე „ტრენდებმა“. იაგო ხვიჩია - რასაც ვუყურებ, საკონსტიტუციო ცვლილებას მიღება არ უწერია - ე.ი. არ ყოფილა ქართული ერის საფრთხე „გაპიდარასტება“. სოზარ სუბარი ლგბტ თემთან დაკავშირებულ ცვლილებებზე - საკონსტიტუციო სტატუსი გვჭირდება, რომ მომავალში მისი შეცვლა ვერავინ შეძლოს, თორემ სხვა კანონების დონეზე ეს ცვლილებები ქმედითი იქნება. დავით მათიკაშვილი - რადიკალურ ოპოზიციას მოუწევს განმარტებების გაკეთება, რა პოზიციაზე დგანან და პასუხის გაცემა იმ შემთხვევაში, თუ ისინი არ ეთანხმებიან კონსტიტუციურ კანონპროექტს. არჩილ თალაკვაძე - საკონსტიტუციო ცვლილებებზე ოპოზიციიდან ყველამ უნდა დააფიქსიროს საკუთარი დამოკიდებულება - როცა გვეცოდინება, რა იქნება ოპოზიციის გადაწყვეტილება, საზოგადოებას ავუხსნით, როგორ ვაპირებთ მის მიღებას. ფრიდონ ინჯია - ოდნავადაც რომ იყოს ლგბტ პროპაგანდის შეზღუდვა, ჩვენი მხარდაჭერა ნებისმიერ შემთხვევაში იქნება. საკონსტიტუციო ცვლილებებით, ლგბტ თემის შეკრება რიგ შემთხვევაში იკრძალება. პარლამენტს განსახილველად წარედგინა პროექტი, რომლის მიხედვით, რელიგიური უმცირესობების მქონე ადამიანებს საკუთარ რელიგიურ დღესასწაულებზე დასვენების შესაძლებლობა მიეცემათ. ლაშა ტუღუში - როგორ უნდა აკონტროლონ ლგბტ თემის პოპულარიზაცია, ვინ უნდა გააკონტროლოს? - ცენზურა შემოაქვთ, თუ მორალის პოლიცია? შემდეგი ნაბიჯი რა არის? ჩამოხრჩობა? ვახუშტი მენაბდე - თავად “ქართულმა ოცნებამ“ აღიარა, რომ საკონსტიტუციო ინიციატივა მოქმედ კონსტიტუციურ სტანდარტს ეწინააღმდეგება - მმართველი გუნდი საზოგადოებას პუტინის და სხვა ავტორიტარული ლიდერების იდენტურ ხედვას სთავაზობს.

საარჩევნო კოდექსის რედაქტირებები - შალვა პაპუაშვილი - დღეს ხელი მოვაწერე „საარჩევნო კოდექსში“ ცვლილების შესახებ კანონს - ეს უცნაური წესი, რომელიც აქამდე მოქმედებდა, არ შემუშავებულა პარტიების დიალოგის საფუძველზე, არამედ იყო მედიატორის დაჟინებული იდეა. გივი მიქანაძე - საკრებულოს მაჟორიტარულ არჩევნებში 40%-იანი ბარიერის გაუქმების ინიციატივა გამოწვეულია იმით, რომ ხშირად ნახევარი ან 1%-ის გამო არჩევნების მეორე ტურის ჩატარება გვჭირდება, რაც მეტ ადამიანურ და ფინანსურ რესურსთანაა დაკავშირებული. ბექა ლილუაშვილი - გასაკვირი და უცნაურია, როცა „ქართული ოცნება“ ყოველ დღე იმეორებს, რომ 60%-იანი მხარდაჭერა აქვს, 40%-იანი ბარიერის გაუქმება რა მიზანს ემსახურება?! შალვა პაპუაშვილის განმარტებით, პარტიულ სიებში დეპუტატობის კანდიდატის დელეგატებად განსაზღვრით, პარტიებს ექნებათ შესაძლებლობა, ამომრჩევლებს შესთავაზონ, თუ ვინ შეიძლება პარტიის ფარგლებში მათი სახელით მოქმედებდეს. არჩილ თალაკვაძე განმარტავს, რატომ გახდა საჭირო საარჩევნო კოდექსში ცვლილებები, რომლის მიხედვით, შესაძლოა, ესა თუ ის დეპუტატი ერთი ან რამდენიმე მუნიციპალიტეტის დელეგატად განისაზღვროს - თალაკვაძემ ჟურნალისტებს განუცხადა, ერთი მხრივ მოქალაქეებმა უნდა იცოდნენ, ვინ ატარებს კამპანიას მათ ქალაქსა თუ სოფელში, მეორე მხრივ კი პარტიებმა - ვინ არის კონკრეტულ საარჩევნო ოლქში მათი სიიდან კამპანიის ხელმძღვანელი.

საყვედური - მამუკა მდინარაძე - აშშ-ს რომ ვსაყვედურობთ, ხომ არ დაგვიმალავს? - ჩვენს მეგობრებს მეგობრულ საყვედურს ვეუბნებით, რომ ან ფრენები გაგვიხსენი ან სავაჭრო-ეკონომიკური ურთიერთობები გავაძლიეროთ - ეს ოკუპანტ ქვეყანაზე დამოკიდებულებას ამცირებს.

მყარად - ნათია თურნავა - ლარი კვლავ გამყარებული რჩება და მთლიანობაში ბაზარი სტაბილურობას ინარჩუნებს.

მინისტრობა - ლევან დავითაშვილი თურქეთის ენერგეტიკისა და ბუნებრივი რესურსების მინისტრს შეხვდა.

სააკაშვილის გათავისუფლება - მიხეილ სააკაშვილის გათავისუფლების მოთხოვნით ავტომობილებით მსვლელობა წალენჯიხიდან დაიწყო. „ნაციონალური მოძრაობის“ ახალგაზრდული ორგანიზაციის მდივნის განცხადებით, მიხეილ სააკაშვილის გათავისუფლების მოთხოვნით 200 ათასამდე ხელმოწერა შეგროვდა. ლევან ხაბეიშვილი - 150 ათასზე მეტი ხელმოწერა შეგროვდა მიხეილ სააკაშვილის გათავისუფლების მოთხოვნით, სალომე ზურაბიშვილი ვალდებულია მოისმინოს ხალხის ხმა და მიიღოს ერთადერთი სწორი გადაწყვეტილება. სოფო ჯაფარიძე - პრეზიდენტ სააკაშვილის უკან მისი მხარდამჭერების არმია დგას, რომლებიც მის რუსეთის ტყვეობაში ყოფნას არ შეეგუებიან. თემურ ცამციშვილი - ქუთაისისთვის განსაკუთრებით მნიშვნელოვანია სააკაშვილის თავისუფლება, რადგან მისი და წინა ხელისუფლების ინიციატივით, ქუთაისი უნდა ყოფილიყო პოლიტიკური ცენტრი, „ქართულმა ოცნებამ“ კი ფიქციად აქცია. სოზარ სუბარი - როგორ მოიქცევა სალომე ზურაბიშვილი სააკაშვილთან დაკავშირებით, არ იცის თავად ზურაბიშვილმა, მოიქცევა ისე, როგორ ბრძანებასაც მისცემენ - როგორც ჩანს, გათავისუფლებაზე ბრძანება ჯერ არ მიუღია. პეტრე ცისკარიშვილი - საპარლამენტო არჩევნები ვერ იქნება აღიარებული კონკურენტულ, თავისუფალ და დემოკრატიულ არჩევნებად, თუ ამ რეჟიმის მთავარი ოპონენტი, მიხეილ სააკაშვილი თავისუფალი და კამპანიაში ჩართული არ იქნება. „ნაციონალური მოძრაობის“ გორის საკრებულოს წევრი - ვუერთდებით დღევანდელ კოლონას, წალენჯიხიდან დაძრულ ჩვენს თანამებრძოლებს. არჩილ თალაკვაძე „ნაციონალურ მოძრაობაზე“ - თუ მართლა ჰყავთ ამდენი მხარდამჭერი, შეუძლიათ კამპანია ცოტა გადაწიონ და ხალხს მისცენ საარჩევნო დაპირება, რომ გამარჯვების შემთხვევაში, მიხეილ სააკაშვილს შეიწყალებენ. გიორგი ბარამიძე - მინდა მადლობა გადავუხადო თითოეულ ადამიანს, ვინც მოვიდა ქარში, წვიმაში, სიცივეში, რიგში იდგა და ხელი მოაწერეს მიხეილ სააკაშვილის გათავისუფლების მოთხოვნას. ირაკლი ნადირაძე - მიხეილ სააკაშვილის გათავისუფლების მოთხოვნით 200 000-მდე ხელმოწერა შეგროვდა და შეგვაქვს პრეზიდენტის ადმინისტრაციაში. მიხეილ სააკაშვილის გათავისუფლების მოთხოვნით ხელმოწერების შეგროვება დასრულდა. ზაზა გოგავა - დიდი მადლობა მინდა გადავუხადო ყველა იმ ადამიანს, რომლებიც საქართველოს, მიხეილ სააკაშვილის გვერდით დგახართ.

„მინდა ვიცოცხლო“ - ამ სლოგანით ორგანიზაცია „კავშირი სიცოცხლისთვის“ წევრები და ონკოპაციენტების ნაწილი ჯანდაცვის სამინისტროსთან შეიკრიბნენ.

EU-სგან 1 მილიონი ევროს დაფინანსება ტექნოლოგიებში ქალთა გაძლიერებისთვის. ევროკავშირის ინიციატივა ტექნოლოგიებში ქალთა როლის გაძლიერებისთვის.

საქართველოს ბიზნესასოციაციასა და ანტიკორუფციულ ბიუროს შორის ურთიერთთანამშრომლობის მემორანდუმი გაფორმდა. ანტიკორუფციული ბიურო საქართველოს ბიზნეს ასოციაციასთან ურთიერთანამშრომლობის მემორანდუმის გაფორმების შესახებ ინფორმაციას ავრცელებს.

პრემიერები სომხეთში - ირაკლი კობახიძე ნიკოლ ფაშინიანს შეხვდა. ნიკოლ ფაშინიანი - დარწმუნებული ვარ, ირაკლი კობახიძე საკუთარ წვლილს შეიტანს სომხეთსა და საქართველოს შორის ურთიერთობების გაღრმავებაში. საქართველოს პრემიერ-მინისტრთან შეხვედრისას შევთანხმდით, რომ ეკონომიკურ, სავაჭრო და კულტურულ ურთიერთობებს განვავითარებთ. ირაკლი კობახიძე - ვუერთდები სომხეთის პრემიერ-მინისტრის კმაყოფილებას, რომ ჩვენს ქვეყნებს შორის ურთიერთობები დინამიურად ვითარდება - პარტნიორობის კიდევ უფრო გაღრმავება არის ძალიან მნიშვნელოვანი. ილია დარჩიაშვილი - საქართველოსა და სომხეთის პრემიერ-მინისტრებმა გახსნეს საქართველოს ახალი საელჩო, რაც არის ორ ქვეყანას შორის ძლიერი მეგობრობის ერთ-ერთი დასტური. ნიკოლ ფაშინიანი ირაკლი კობახიძეს - მინდა დაგარწმუნოთ, ჩვენ ყველაფერს გავაკეთებთ იმისთვის, რომ არ დავკმაყოფილდეთ არსებულით და ახალი ჰორიზონტები გავხსნათ ჩვენს ურთიერთობებში. ირაკლი კობახიძე - საქართველო მზად არის, თავისი დადებითი როლი შეასრულოს იმ პროცესებში, რომელიც ჩვენს რეგიონში მშვიდობისა და სტაბილურობის უზრუნველყოფას უკავშირდება. ლევან დავითაშვილი - საქართველოსა და სომხეთს აქვს მჭიდრო ეკონომიკური და პოლიტიკური კავშირები, თანამშრომლობა და ურთიერთობა სტრატეგიული პარტნიორობის დონეზე გადავიდა.

ტურიზმის ეროვნულმა ადმინისტრაციამ კერძო სექტორის 250 წარმომადგენელი გადაამზადა.

საზღვარგარეთულები:

მედია - რუსეთში ნოვოჩერკასკის ელექტროსადგურზე დრონებით თავდასხმა განხორციელდა, ორი ენერგობლოკი მწყობრიდან გამოვიდა. პოლონეთის სეიმის სპიკერი რუსული რაკეტის მიერ ქვეყნის საჰაერო სივრცის დარღვევაზე - ასეთი ინციდენტები ხდებოდა, ხდება და მოხდება, ვიდრე უკრაინაში ომი გაგრძელდება. კიევში აფეთქების ხმა ისმოდა, საჰაერო განგაში გამოცხადდა. ვოლოდიმირ ზელენსკი კიევზე თავდასხმაზე - უკრაინას მეტი საჰაერო თავდაცვის სისტემა სჭირდება - ყველამ, ვინც პატივს ვცემთ და ვიცავთ ადამიანების სიცოცხლეს, ბოლო უნდა მოვუღოთ ამ ტერორს.

ემანუელ მაკრონი - მოსკოვში თავდასხმა „ისლამური სახელმწიფოს“ განშტოებამ განახორციელა - ამ კონკრეტულმა ჯგუფმა თავდასხმები საფრანგეთშიც სცადა. ვლადიმერ პუტინი - ვიცით, რომ მოსკოვში დანაშაული რადიკალმა ისლამისტებმა ჩაიდინეს, გვაინტერესებს, ვინ გასცა ბრძანება - ეს სისასტიკე შეიძლება დამაკავშირებელი რგოლი იყოს მათი, ვინც ნეონაცისტური კიევის რეჟიმის ხელით გვებრძვის.

ბრაზილიაში წყალდიდობას და მეწყერს 25 ადამიანი ემსხვერპლა, განადგურებულია ასობით სახლი.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 31

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

How They Operate, And Why They Subject for Employers

გამოაქვეყნა EFTcheat_მ.
თარიღი: აპრილი 26, 2025.
საათი: 2:30pm 0 კომენტარი







In the present earth, history checks are getting to be a regular part of the selecting method, tenant screening, and in some cases volunteer variety. From verifying work historical past to examining felony information, qualifications check providers give vital insights into somebody's heritage. In the following paragraphs, we’ll include the kinds of track record checks, how they perform, and why They are really critical for each companies and people.



What exactly…

გაგრძელება

შემოქმედი მხატვარი

გამოაქვეყნა ლაშა_მ.
თარიღი: აპრილი 22, 2025.
საათი: 11:23pm 0 კომენტარი

თვალებს ძლივს ახელდა დასაძინებლად რომ წავედით, მაგრამ მაინც მოვახერხეთ ძილისწინა საუბრები. ამჯერად, თემა ნათესავები და ნათესაური კავშირები იყო და ცოტა ვერ მიხვდა რა სხვაობა შვილიშვილსა და შვილთაშვილს შორის. ის კი გაიგო, რომ პირველი - მესამე თაობას ნიშნავდა, ხოლო მეორე - მეოთხეს, მაგრამ თვითონ ეს სიტყვები - შვილი-შვილი და შვილთა-შვილი რატომ…

გაგრძელება

სააღდგომო ეპისტოლე 2025

გამოაქვეყნა ლაშა_მ.
თარიღი: აპრილი 20, 2025.
საათი: 2:00am 0 კომენტარი

სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის სააღდგომო ეპისტოლე

საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:

ქრისტე აღდგა!

Qwelly, qwellynews, აღდგომა, ბლოგი, ეპისტოლე, პატრიარქი, სააღდგომო ეპისტოლე, 2024

აღდგეს ღმერთი, მიმოიფანტონ…

გაგრძელება

Joining a Faction in New World

გამოაქვეყნა BennieJeansg_მ.
თარიღი: აპრილი 17, 2025.
საათი: 5:00am 0 კომენტარი

In Amazon's massively multiplayer online role-playing game (MMORPG) New World, the mystical land of Aeternum is full of danger, intrigue, and opportunity. Players are tasked with surviving in a world rich in history, politics, and player-driven conflict. One of the key elements of gameplay in is choosing a faction. This decision has significant implications for your gameplay experience, as it influences your alliances, PvP (Player vs. Player) interactions, and the overall progression of your…

გაგრძელება

Qwelly World

free counters