თოლია ჯონათან ლივინგსტონს!
სალამი, ჩემო ძვირფასო ჯონათან! გადავწყვიტე, შენთვის ჩემი ფიქრებიდან ამონარიდი მომეწერა... ვიმედოვნებ ზღვის ნაპირზე შესვენებისას, ნახავ, რომ შენს სახელზე წერილია და წაიკითხავ... მეც შენნაირი სული ვარ ჯონა, ცხოვრებას მონდომებული და არა უაზრობაშემოცმულ, ნაღრძობ ყოფას დაჯერებული... მეც მიყვარს თავისუფლების შეგრძნება და ფრენა ოცნებებით... ბევრჯერ დავენარცხე მწარედ შენსავით, მაგრამ სულ კოელიო მახსენდება: "მეოცნებე ყველაზე მოუთვინიერებელი არსებაა ამქვეყნად"... ჰოდა ჩვენც ვიფრინოთ, ვიფრინოთ _მდე-ს გარეშე...
იცი, ხანდახან, ისეთი შეგრძნება მაქვს, რომ ეს ცხოვრება კი არა, სიზმარია... ვზივარ ავტობუსში, მესმის ადამიანების ხმა, ხმაურობს რადიოც, მაგრამ მგონია, რომ ჩემივე "რამდენიმეწამიანი" სიზმრის მთავარი მოქმედი პირი ვარ და სხვები უბრალოდ მონაწილენი არიან... იქნებ გაორებული ვარ სულიერად... ან არასწორ დროს დავიბადე და ეს უცხოობის შეგრძნებაც ამის ბრალია, ან მართლაც "მეს" სიმრავლისგან შევდგებით, როგორც მეგობარი ჰესე იტყოდა... მგონია, შენც შეიძლება იგივეს განიცდიდე ჯონათან... გწერ ახლა და იქნებ ესეც სიზმარში ხდება, რომლის სინამდვილეც ადამიანებმა დაიჯერეს... მაღაზიიდან გამოსული, ნაყიდი თავდაჯერებულობით, ამაყად მომზირალი ცარიელი სახეებით რომ საუბრობენ, რომელ კრუასანს რომელი ყავა შეუფერეს დილით და "ბრენდული" ახალი კოლექციის მოლოდინში, მღელვარებას რომ განიცდიან... ილუზიები შეიქმნეს და ამ სიზმარს ცხოვრება უწოდეს, მისი ნამდვილობა რომ ერწმუნათ და ზედმეტი ფიქრით აღარ დატანჯულიყვნენ... სად არის რეალობა?.. იქნებ სწორედ ისაა ილუზია, რასაც რეალურს ვუწოდებთ... გიფიქრია ამაზე? - ალბათ კი.. იქნებ მართლა სიკვდილის შემდეგ ვიღვიძებთ რეალობაში?.. "სიკვდილი - ეს ცხოვრების ოცნებიდან გამოღვიძებაა" - ესეც ჯონ კიტსი... ამაზე რაღა აზრის ხართ, ძვირფასო ლივინგსტონ?.. ახლა ყურსასმენში "მეფის" მარადიული სიტყვები მესმის - "მე გადმოვცურავ ზღვას"... მან მართლაც გადაცურა ზღვა... წინ მიიწევდა მშვიდი ცურვით და "მისი ზღვის" თავზე შენ ირაოთი ტკბებოდი ალბათ, ჯონათან... მიაღწია გაღმა ნაპირს, და რატომღაც, იქ ნათქვამი მისი სიტყვა, "თავისუფლებამშვიდობისა" მგონია... მასაც ხომ გამჯდარი ჰქონდა შენი მოტივები: "ზეცა არც ადგილია, არც დრო. ზეცა სრულყოფილების დაუფლებაა"... "სინამდვილეში ყოველი ჩვენგანი დიადი თოლიას, ანუ თავისუფლების ყოვლისმომცველი იდეის განხორციელებას წარმოადგენს"...
ვზივარ ჩემს ამოჩემებულ ადგილას და გწერ ამ ყველაფერს... აქამდე სულ ფეხით ვიარე... არ მანაღვლებდა, რომ გავცდი სახლს, სადაც მელის ისევ ერთი და იგივე, დროის მექანიკური ხმაური, სულ დაცლილი ოთახების გაშტერებით მომზირალი ცივი კედლები, და არავინ... მოვდიოდი ტერფებატკიებული და ჩემთვის ვიმეორებდი აკუტაგავას სიტყვებს: "მე ნერვები მაქვს მხოლოდ... მე ნერვები მაქვს მხოლოდ"... კამიუს ტერმინს თუ გამოვიყენებთ, მეც აბსურდულ ადამიანად ვიწოდები... ბოლოს, ისევ მივალ სახლში, სადაც გამომწყვდეული მარტოობა დამხვდება ჩემივე გამოხედვით და შუაღამეზე, ფანჯარაში, ისევ გამოჩნდება ჩემი ძილდაკარგული სილუეტი... ეჰ, ჯონა, არარაობაა ეს სიტყვებიც... მაინც ვერ იტყვი ბოლომდე შენს შინაგანს... თუმცა, კენ კიზის თქმის არ იყოს, მე ვცადე მაინც, და ვიცი, გამიგებ...
-
Salius: მაისი 20, 2014||8:50pm
-
დიდი მადლობაა თამოო ამ პოსტისთვის, ძალიან მიყვარსს ♥
-
Restless: მაისი 20, 2014||8:51pm
-
მადლობა შენ :) :*
-
ლაშა: მაისი 21, 2014||1:58am
-
ამ შესანიშნავი წერილის ადრესატი → http://www.qwelly.com/profiles/blogs/jonathan :)
თამუნა, შენი წერის სტილით მოხიბლული, შენივე ბლოგის მკითხველ თაყვანისმცემლად მიგულე! :) ♥
-
-
დიდი მადლობა ლაშა :) <3
-
Tamila Moshiashvili: მაისი 21, 2014||5:08pm
-
ჩემი მოწონებაც მიიღეთ! :)
-
ნათია: მაისი 22, 2014||12:50pm
-
ძალიან კარგია, ძალიან მომეწონა ეს ჩანახატი და შემდეგშიც ყურადღებით ვიქნები .. სიამოვნებით გავეცნობი შენი (თქვენი) ჩანაწერების სხვა ნიმუშებს . ჩემი აზრით, კარგად წერ'თ და წარმატებებს გისურვებ'თ :)
-
-
დიდი მადლობა :)
-
-
თამოოოოოო ჩვენი თოლიის გამარჯვებას გილოცაავვ ^^ ჯონათანი ხომ განსაკუთრებულია ♥♥
-
-
დიდი მადლობა სალოო ^^ :)) <3 <3
კომენტარი
Welcome to
Qwelly
ღონისძიებები
ბლოგ პოსტები
How They Operate, And Why They Subject for Employers
გამოაქვეყნა EFTcheat_მ.
თარიღი: აპრილი 26, 2025.
საათი: 2:30pm
0 კომენტარი
0 მოწონება
In the present earth, history checks are getting to be a regular part of the selecting method, tenant screening, and in some cases volunteer variety. From verifying work historical past to examining felony information, qualifications check providers give vital insights into somebody's heritage. In the following paragraphs, we’ll include the kinds of track record checks, how they perform, and why They are really critical for each companies and people.
What exactly…
შემოქმედი მხატვარი
გამოაქვეყნა ლაშა_მ.
თარიღი: აპრილი 22, 2025.
საათი: 11:23pm
0 კომენტარი
1 Like
თვალებს ძლივს ახელდა დასაძინებლად რომ წავედით, მაგრამ მაინც მოვახერხეთ ძილისწინა საუბრები. ამჯერად, თემა ნათესავები და ნათესაური კავშირები იყო და ცოტა ვერ მიხვდა რა სხვაობა შვილიშვილსა და შვილთაშვილს შორის. ის კი გაიგო, რომ პირველი - მესამე თაობას ნიშნავდა, ხოლო მეორე - მეოთხეს, მაგრამ თვითონ ეს სიტყვები - შვილი-შვილი და შვილთა-შვილი რატომ…
სააღდგომო ეპისტოლე 2025
გამოაქვეყნა ლაშა_მ.
თარიღი: აპრილი 20, 2025.
საათი: 2:00am
0 კომენტარი
2 მოწონება
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის სააღდგომო ეპისტოლე
საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:
ქრისტე აღდგა!
აღდგეს ღმერთი, მიმოიფანტონ…
Joining a Faction in New World
გამოაქვეყნა BennieJeansg_მ.
თარიღი: აპრილი 17, 2025.
საათი: 5:00am
0 კომენტარი
1 Like
In Amazon's massively multiplayer online role-playing game (MMORPG) New World, the mystical land of Aeternum is full of danger, intrigue, and opportunity. Players are tasked with surviving in a world rich in history, politics, and player-driven conflict. One of the key elements of gameplay in is choosing a faction. This decision has significant implications for your gameplay experience, as it influences your alliances, PvP (Player vs. Player) interactions, and the overall progression of your…
გაგრძელებაQwelly World
© 2025 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია