ჩემი ბავშვობის ფერადი სიზმარი
გაზაფხულის ერთ ჩვეულებრივ პირქუშ ღამეს მოვიდა ის, შავ მოსასხამში, წითელი თვალებით, ბოროტი ღიმილით და ცულით ხელში, გეგონებოდა საფრთხობელაზე შემოუცვავმთ მოსასხამი და ძლებზე კანი გადაუკრავთო, სახე კი თითქოსდა ჰგავდა ადამიანისას და ამავდროულად განსხვავდებოდა მისგან, მაგრამ ყველაზე საინტერესო ის იყო, ნახევარი სახისა სიკეთეს ასხივებდა, მეორე ნახევარი კი ბოროტებას, ეს ყველაფერი მეტად საზარელი იყო, მის დანახვაზე გამაჟრჟოლა და გულში გავიფიქრე, ნუთუ ეს ის არის-მეთქი , მან კი თავი თანხმობის ნიშნად დამიქნია და გადაიხარხარა....
როცა წამოვხტი უკვე გვიანი იყო... ერთიანად დამშვიდებულიყოო... „ის“ საწოლზე იწვა, მაგრამ მხოლოდ სხეული... არც კი სუნთქავდა და ხელი რომ შევახე გაყინული იყო, სული კი ვინ იცის სად იყო იმ წამს. დიდხანს ვერ ვუყურე... გარეთ გავედი და ტირილი დავიწყე, მაგრამ ჯერ კიდევ ვერ ვაცნობიერებდი რეალურად მომხდარს... მას შემდეგ საკუთარი თავისთვის ვერ მიპატიებია, რომ მისი უკანასკნელი ამოსუნთქვის დროს მის გვერდით არ ვიყავი...
კარგად მახსოვს უკანასკნელი დღეც... ვიცოდი რაც ხდებოდა, მაგრამ საკუთარ თავს არ ვუტყდებოდი რომ ეს შესაძლებელი იყო, ვინაიდან მისი დაკარგვისთვის არ ვიყავი მზად, თუმცა ადამიანი არასდროს არ არის ძვირფასი ადამიანის დაკარგვისთვის მზად...
ის განსაკუთრებული იყო ჩემთვის, შეიძლება ეგოისტურადაც გამომივიდეს, მაგრამ მის ცხოვრებაში ერთადერთი ნათელი წერტილი იყო მუსიკა და მე.....
კარგად მახსოვს მისი სახე, სიარულის მანერა და სათნო ღიმილი. რაც თავი მახსოვს თეთრი თმები ჰქონდა და პატარა ულვაშებს ატარებდა, პირს ყოველთვის იპარსავდა მამაჩემისგან განსხვავებით და ასე ამბობდა ლოყა პრიალა უნდა მქონდეს რომ კოცნის დროს არ გიჩხვლიტოსო, სიარულის დროს დათვივით დაბაჯბაჯებდა, ყოველთვის საქმეში იყო და ფუტკარივით ხან სად ფუსფუსებდა, ხან სად... მამაჩემთან ხშირად მოსდიოდა კამათი, მაგრამ მისი უმცროსი ძმა ქვეყანას ერჩივნა და ასეთი ბუზღუნა და ბრაზიანიც კი საყვარელი იყო... ცოლ-შვილი არ ჰყავდა, ამიტომ ყველაფერს ჩვენთვის აკეთებდა და ყოველ ღამით კი ღმერთს ავედრებდა ჩვენს თავს...
შენნაირები ცოტანი არიან და შენნაირად ბევრს არ შეუძლია უყვარდეს!
ყველაფერი მახსოვს, ყველა დეტალი, რაც შენ გიკავშირდება „ბუძა“, ჩემო ყველაზე ფუმფულავ და თბილო, მაგრამ ის დილა... ის დილა ყველაზე სევდიანი იყო ჩემთვის. იმ დღეს გამიფრინდი... და ამ დღიდან უკვე 8 წელი გავიდა, მაგრამ დღესაც ისევე ძვირფასი ხარ ჩემთვის, როგორც მაშინ....
შენს მერე რამდენიმე ხანს შენი გამოხედვა და თვალები დამდევდნენ თან... ის გამოხედვა, რომელიც მე უკანასკნელად ვიხილე. მიყურებდი მხოლოდ მე, თვალს არ მაშორებდი და ხმას კი არ იღებდი. მინდოდა ჩაგხუტებოდი და მეკოცნა ბევრი, როგორც ჩვეულებრივ, მაგრამ არც ეს გავაკეთე... მინდოდა შენთვის რაღაც მეთქვა, მაგრამ ვერც ეგ მოვახერხე... ძალიან მინდოდა, მაგრამ ვერ შევძელი....
მაპატიე!..
რამდენჯერ მინატრია ამ ხნის განმავლობაში ერთხელ მაინც ჩაგხუტებოდი, ფეხები შემომეწყო შენს ღიპზე, ან მეტყაპუნებინა შენთვის ლოყაზე, როგორ მაშინ... თუნდაც მხოლოდ სიზმარში, მაგრამ არა...
არ ვიცი რატომ მაინცდამაინც გუშინ, მაგრამ ეს გუშინ მოხდა.
გუშინ სიზმარი ვნახე ფერადი.... ჩემს შავთეთრ სიზმრებს შენ მიეცი ფერი...
მე შენ ისევე ცხადად გიხილე, როგორც ყოველდღიურ ცხოვრებაში ვხედავ ადამიანებს, თუმცა კი შორს იყავი ჩემგან, მაგრამ ისეთივე თბილი და ღიმილიანი, როგორიც ახსოვს შენს სალამურას....
.........................................
თუმცა ყოველთვის მენატრებოდი, მაგრამ შენ მუდამ ჩემთან, ჩემს გონებაში იყავი... შენ ის ერთადერთი ხარ, რომელსაც დაუსრულებლად შემიძლია ველაპარაკო ყველაფერზე, რაც მიხარია და მახარებს, მტკივა და მაწუხებს... შენ ხომ იმაზე მეტად გიყვარდი, ვიდრე ეს არის შესაძლებელი და ალბათ გიყვარვარ ჯერ კიდევ...
შენ ჩემი სევდა და სიხარული ხარ ერთდროულად...
მადლობა ყველაფრისთვის!! პირველ რიგში შენი უპირობო, უზარმაზარი სიყვარულისთვის და სითბოსთვის!!!
მიყვარხარ სამუდამოდ, ისევე ბავშვურად და წრფელად, როგორც ჯერ კიდევ ღრმა ბავშვობაში!!
გმადლობ იმ ფერადი სიზმრისთვის და შენი არსებობის შეხსენებისთვის!
მიყვარხარ!
მენატრები!
მე შენ გიხილავ!..
-
თათია: ოქტომბერი 29, 2015||11:24pm
-
ჩემგანაც გაფრინდა ასეთი ადამიანი, და მის ყოფნას ჩემს ცხოვრებაში, მეც ზღაპრულ სიზმარს ვეძახი. ♥
-
salome: ოქტომბერი 30, 2015||1:18am
-
როგორ მომენატრა!!! ერთ-ერთი ყველაზე ფუმფულა ადამიანი,რომელსაც
ძალიან უყვარდა სიცოცხლე და თავისი პატარა ძმისშვილი♥ ♥ ♥
თათი,რაც მთავარია, მარადიულ ზღაპრულ სიზმარად დაიდებს ბინას გონებაში:***
კომენტარი
Welcome to
Qwelly
ღონისძიებები
ბლოგ პოსტები
How They Operate, And Why They Subject for Employers
გამოაქვეყნა EFTcheat_მ.
თარიღი: აპრილი 26, 2025.
საათი: 2:30pm
0 კომენტარი
0 მოწონება
In the present earth, history checks are getting to be a regular part of the selecting method, tenant screening, and in some cases volunteer variety. From verifying work historical past to examining felony information, qualifications check providers give vital insights into somebody's heritage. In the following paragraphs, we’ll include the kinds of track record checks, how they perform, and why They are really critical for each companies and people.
What exactly…
შემოქმედი მხატვარი
გამოაქვეყნა ლაშა_მ.
თარიღი: აპრილი 22, 2025.
საათი: 11:23pm
0 კომენტარი
1 Like
თვალებს ძლივს ახელდა დასაძინებლად რომ წავედით, მაგრამ მაინც მოვახერხეთ ძილისწინა საუბრები. ამჯერად, თემა ნათესავები და ნათესაური კავშირები იყო და ცოტა ვერ მიხვდა რა სხვაობა შვილიშვილსა და შვილთაშვილს შორის. ის კი გაიგო, რომ პირველი - მესამე თაობას ნიშნავდა, ხოლო მეორე - მეოთხეს, მაგრამ თვითონ ეს სიტყვები - შვილი-შვილი და შვილთა-შვილი რატომ…
სააღდგომო ეპისტოლე 2025
გამოაქვეყნა ლაშა_მ.
თარიღი: აპრილი 20, 2025.
საათი: 2:00am
0 კომენტარი
2 მოწონება
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის სააღდგომო ეპისტოლე
საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:
ქრისტე აღდგა!
აღდგეს ღმერთი, მიმოიფანტონ…
Joining a Faction in New World
გამოაქვეყნა BennieJeansg_მ.
თარიღი: აპრილი 17, 2025.
საათი: 5:00am
0 კომენტარი
1 Like
In Amazon's massively multiplayer online role-playing game (MMORPG) New World, the mystical land of Aeternum is full of danger, intrigue, and opportunity. Players are tasked with surviving in a world rich in history, politics, and player-driven conflict. One of the key elements of gameplay in is choosing a faction. This decision has significant implications for your gameplay experience, as it influences your alliances, PvP (Player vs. Player) interactions, and the overall progression of your…
გაგრძელებაQwelly World
© 2025 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია