(ა)პოლიტიკური აქცია

[თამუნა ქადაგიძე]

ეს ქოცია
და ის კი ნაცია,
გადაირია მთელი ნაცია?!
მაგრამ ჩვენი ძმა პაოლო
ერთი უბრალო კაცია.

გავიდა ერთხელ მიტინგზე,
არც აცხელა,
არც აცია;

ყურის დაგდება უნდოდა,
მაგრამ ხალხს გაუტაცნია.

რა ქნას ბატონმა პაოლომ?
ერთი უბრალო კაცია.
გამორჩეულად არასდროს
არც ახურავს, არც აცვია;

და მოუწია მიტინგზე
პოლიტიკური აქცია;
სიტყვით გამოსვლაც მოსთხოვეს
შეიქნა გაწა - მაწია. . .

დაფიქრდა ჩვენი პაოლო,
არცთუ სულელი კაცია;
დასძახა: მარჯვედ იდექით!
ნუ კი იქნებით ცაცია!

გულზე მჯიღიც კი დაირტყა -
სამშობლომ გმირად აქცია.

და მერე?
მერე ის მოხდა:
ღამემ დღე გადააქცია. . .
მაგრამ პაოლო ჯერ ისევ
იდეებს გაუტაცია. . .

ბევრი იფიქრა,
არც ძილი,
ჩაიც კი მთლად გააცია. . .

მოადგნენ, დაინტერესდნენ:
ვინ არის? ვისი კაცია?
დგას და თავსაც კი იმართლებს,
სიტყვები არ გააცია;

მხოლოდ სიტყვა ვთქვი,
რა მერე?
დამადგა დელეგაცია;
მე ხომ დიდება არ მინდა,
არც ტაში, არც ოვაცია!

დატოვეს გაოცებული,
არც დარჩა რამ რეაქცია. . .

და ახლა ისევ მარტოა,
სადღაც შორს დარჩა აქცია.
რა ქნას? რა უყოს? ასეა:
ერთი უბრალო კაცია.

[ლაშა]

ლელო არ დამიკარგოთ ))