წმინდა პართენი ლამპსაკელი

[tamo]

20 თებერვალს (ძვ. სტ 7 თებერვალს) ქრისტეს ეკლესია აღნიშნავს წმინდა პართენი ლამპსაკელის ხსენების დღეს!

     ღირსი ლამპსაკელი ეპისკოპოსი პართენი, დაიბადა ქალაქ მელიტოპოლში, (მცირე აზია) სადაც მამამისი ქრისტეფორე მსახურობდა დიაკვნად.ყმაწვილისთვის წერა-კითხვა არ შეუსწავლებიათ, მაგრამ საღვთო წერილი მან კარგად აითვისა ტაძარში, საღვთო ლიტურგიაძე დასწრებით. მომავალი წმიდანი მებადური იყო და რასაც იგებდა უნაწილებდა გულუხვად გლახაკებს . საღვთო მადლმა ადრევე დაივანა მასში, – 18 წლის ასაკიდან ქრისტეს სახელით კურნავდა ავადმყოფებს და განდევნიდა დემონებს. როცა ჭაბუკის კეთილმსახური ცხოვრების შესახებ შეიტყო, მელიტოპოლის ეპისკოპოსმა ფილიპემ მას განათლება მიაღებინა და ხუცესად აკურთხა. 325 წელს კონსტანტინე დიდის მეფობაში, კვიზიკელმა მთავარეპისკოპოსმა აქილიუსმა იგი ქალაქ ლამპსაკის (მცირე აზია) ეპისკოპოსად აკურთხა. ქალაქში ბევრი წარმართი ცხოვრობდა და მღვდელმთავარი მათ შორის გულმოდგინედ ქადაგებდა ღვთის სიტყვას. მის მხურვალე ქადაგებებს უფლის დაშვებით მრავალი სასწაული და კურნება ახლდა თან. ხალხს თანდათან გული გაუცივდა წარმართული ღმერთების მიმართ. წმიდა პართენმა კონსტანტინე დიდს მიმართა თხოვნით, მიეცა მისთვის უფლება, დაემსხვრია საკერპოები და მათ ნაცვლად ქრისტიანული ტაძრები აეგო. მეფემ დააკმაყოფილა მისი თხოვნა და კეთილი განზრახვის განხორციელებისათვის საჭირო სახსრებიც გამოუყო. ლამპსაკში დაბრუნებულმა პართენმა ბრძანა, აღეხოცათ პირისაგან მიწისა წარმართული ბომონები, ქალაქის ცენტრში კი უფლის სადიდებლად მშვენიერი ტაძარი აეგოთ.

     ერთხელ საკერპოში წმიდანმა, წმიდა ტრაპეზის მოსაწყობად შესაფერი ლოდი იპოვა და ბრძანა, დამუშავების შემდეგ იგი ტაძრის მშენებლობაზე წაეღოთ. გაგიჯებული ეშმაკის მანქანებით ურემი გადატრიალდა, ქვამ მეურმე მოიყოლა და გასრისა. წმიდა პართენმა მკვდრეთით აღადგინა იგი და შერისხა ეშმაკი, რომელსაც სურდა, წინ შეღობებოდა საღვთო საქმეს.

     იმდენად გულმოწყალე იყო მწყემსმთავარი, რომ სხვადასხვა ავადმყოფობისაგან დატანჯული თუ ავი სულებით შეპყრობილი უამრავი ადამიანიდან, რომლებიც ხან შინ აკითხავდნენ, ან კი – ქუჩაში ხვდებოდნენ, კურნებაზე უარს არავის ეუბნებოდა. ხალხმა ექთნებთან სიარული შეწყვიტა, რადგან პართენი, იესო ქრისტეს სახელის მოხმობით, უანგაროდ კურნავდა მათ. ქრისტეს სახელით უძლეველი ძალით, კი უამრავი ეშმაკი განდევნა ადამიანებიდან.

     ღირსი პართენი მშვიდობით მიიცვალა და დაკრძალეს ლამპსაკის საკათედრო ტაძრის გასწვრივ, თავისსავე აგებულ ეკვდერში.

◄ გუშინ | დღეს | ხვალ ►