სწავლა გერმანიაში

[Goga Patarkatsishvili]

 

სწავლა გერმანიაში – ეს არის შეხვედრა, როგორც თანამედროვეობასთან, ასევე ისტორიასთან, მეგაპოლისის დაძაბული რიტმითა და იდილიური პეიზაჟებით. გერმანია – საქმისა და სიმშვიდის ქვეყანა, ევროპის ეკონომიკის „ლოკომოტივი“ და ერთ–ერთი ლიდერი თანამედროვე უმაღლეს განათლებაში. სწორედ ამიტომაც, გერმანული განათლების მიმართ უცხოელი სტუდენტების ინტერესი ყოველთვის მაღალია.
გერმანიაში უმაღლესი განათლების მიღება ნებისმიერ სტუდენტისთვის თითქმის უფასოა, არ აქვს მნიშვნელობა სტუდენტის მოქალაქეობასა და წარმომავლობას. ქვეყნის მთავრობა და კერძო საქველმოქმედო ფონდები მუდმივ ფინანსურ მხარდაჭერას სთავაზობენ საგანმანათლებლო და საკვლევ სასტიპენდიო პროგრამებს უცხოელი სწავლულებისა და სტუდენტების მონაწილეობით. საინტერესოა, ისიც რომ გერმანული უნივერსიტეტების უცხოელ სტუდენტებს მუშაობის ნებართვის მიღების შესაძლებლობაც აქვთ.
გერმანული საგანმანათლებლო სისტემა საფუძვლიანი და პრაქტიკული სწავლებით გამოირჩევა, თუმცა აქ სწავლა არ არის მხოლოდ განათლების მიღება, ეს არის ახალი საინტერესო სანაცნობო წრე, კავშირები, კონტაქტები და შეუფასებელი გამოცდილება სამომავლო კარიერისთვის.

 

უმაღლესი განათლება გერმანიაში

უმაღლესი განათლება გერმანიაში ეფუძნება თითოეული სტუდენტის პრიორიტეტული დისციპლინის თავისუფალ არჩევანს, რომელიც საშუალებას აძლევს შექმნას ინდივიდუალური სასწავლო კურსი სამომავლო გეგმებისა და სამუშაო გრაფიკის გათვალისწინებით. გერმანულ უნივერსიტეტებში სწავლა სალექციო და პრაქტიკული მეცადინეობების პერიოდული მონაცვლეობით მიმდინარეობს. ასეთი დემოკრატიულობა და ადამიანის მიმართ პატივისცემა, გერმანულ პრაქტიკულობასა და წესრიგის სიყვარულთან გონივრულ კომბინაციაში, ევროპულ ქვეყანაში სრულყოფილი განვითარებისა, დასვენებისა და ფართო ურთიერთობების შესანიშნავ შესაძლებლობად გარდაიქმნება.
გერმანიაში სასწავლებლად წასვლა შეუძლია ყველას, როგორც სასკოლო, ასევე უმაღლესი განათლებისთვის. ქართული საგანმანათლებლო სისტემის მსგავსად, გერმანიაშიც უნივერსიტეტში სკოლის დამთავრების შემდეგ აბარებენ, ყოველგვარი დამატებითი ეტაპის გავლის გარეშე. მსგავსი სიტემა გერმანიაში სწავლის კიდევ ერთ დამატებით შესაძლებლობას იძლევა.

 

გერმანული ენის შესწავლა გერმანიაში

გერმანულ უნივერსიტეტში უფასოდ სწავლების გზა გერმანული ენის შესწავლელი კურსებიდან იწყება. DSH–ის სერტიფიკატის გარეშე (გამოცდა – გერმანული ენის, როგორც უცხო ენის ცოდნის შესახებ) უცხოელი აბიტურიენტის დოკუმენტებს არ განიხილავენ.
არსებობს უნივერსიტეტებთან და სკოლასთან არსებული უამრავი ენის შემსწავლელი ცენტრი, რომლებიც გვთავაზობენ სრულ წლიურ თუ საზაფხულო კურსებს როგორც ბავშვებისთვის, ისე უფროსებისთვის.
გერმანული ენის შესწავლის მეთოდები სხვადასხვაგვარია. თუმცა ყველა მათგანი დაფუძნებულია კომუნიკაციურ შემადგენლობაზე, რომელიც ითვალისწინებს როლების ცვლას და ცოცხალ ურთიერთობას ენის მფლობელებთან. ეს საშუალებას აძლევს ბავშვებს და უფროსებს სწრაფად გაითავისონ გარემო და გამოიყენონ შესასწავლი ენა გერმანიაში სწავლის გასაგრძელებლად ან თუნდაც, ყოველდღიურ ცხოვრებაში.

 

ფინანსები

გერმანია დასავლეთის ერთ–ერთი მნიშვნელოვანი ქვეყანაა, სადაც უმაღლესი განათლება დღემდე თითქმის უფასოა. „თითქმის“, რადგან უმაღლესი სახელმწიფო სასწავლებლებს სემესტრული გადახდის სისტემა აქვთ, სადაც სწავლის ღირებულება სემესტრში 90–დან 600 ევრომდე მერყეობს. ზუსტი ღირებულება დამოკიდებულია თვითონ უნივერსიტეტზე . გაცილებით ძვირია კერძო სასწავლებლები, სადაც სწავლა სემესტრში 10 ათას ევრომდე ღირს.
გაგიკვირდებათ, მაგრამ გერმანიაში, დასავლეთის სხვა ქვეყნებთან შედარებით, მნიშვნელოვნად იაფია ცხოვრება. რა თქმა უნდა, ეს „იაფი“ საქართველოსთან შედარებით ძვირია. სტუდენტის ყოველთვიური ხარჯი დაახლოებით 500–600 ევროა.

წყარო:სწავლა საზღვარგარეთ

 

[ლაშა]

მიმზიდველი წინადადება... :)