ბავშვობაში მეგონა, რომ

[მარი]

      ისევ და ისევ ბავშვობა... ის წელი, რომლის მატარებლმა დიდი ხნის უკან ჩაიარა და სამწუხაროდ უკან არ დაბრუნდება. ერთი წამით, რომ შევაჩეროთ დრო და ბავშვობაში ჩავიხედოთ ალბათ ძალიან ბევრს ვიცინებთ საკუთარ თავზე, ჩვენი ბავშური ფანტაზიებისა და საქციელების შემყურე და რახან ეს შეუძლებელია მოდი ერთად გავიხსენოთ, თუ რა გვეგონა როცა პატარები ვიყავით...

1) ბავშვობაში მეგონა, რომ მაღაზიის გამყიდველებს შეეძლოთ ეჭამათ ტკბილეული და ნაყინი უფასოდ მთელი დღის განმავლობაში და მშურდა მათი.

2) როცა დავაცემინებდი და მეუბნებოდნენ ახედე ჭერში ბაბუა არისო, ვეძებდი თუ სად იყო.

3) მეგონა, რომ ტელევიზორში წამყვანები მართლა ისხდნენ და მიკვირდა როგორ ეტეოდნენ და სულ უკან ვუყურებდი ტელევიზორს.

4) მეგონა, რომ ფილმებში მართლა იხოცებოდნენ და მერე სხვა ფილმებში, რომ ვხედავდი მიკვირდა აქ როგორ არის თქო.

5) მეგონა, რომ ბასტი და ბუბუ მართლა ცოცხლები იყვნენ და ვოცნებობდი, რომ მათთან ერთად მეთამაშა და ჩავხუტებოდი.

6) მეგონა, რომ ლამაზ ყდიან წიგნში ძალიან მაგარი რაღაცეები ეწერა.

7) როცა ავტომანქანით ვმგზავრობდი, მეგონა გზა და ხე დადიოდა და არა მანქანა.

8) მეგონა, რომ თუ კურკას სადღაც გადავაგდებდი იქ ამოვიდოდა ხე.

9) მეგონა, ჩემი თოჯინები საღამოობით ცოცხლდებოდნენ და როცა დავწვებოდი ახლოს დავისვამდი და საღამოს ჩუმად თვალს ვახელდი, რომ დამენახა რას აკეთებდნენ. და კიდე ველაპარაკებოდი, მეგონა ესმოდათ ჩემი.

10) მეგონა, არსებობდნენ პატარა კაცუნები, რომლებიც სახლში დარბოდნენ და ვერ ვხედავდი.

11) მეგონა, მასწავლებლები საჭმელს არ ჭამდნენ და არც სვმადნენ, იმიტომ, რომ მასწ-ები იყვნენ.

12) ქუჩაში ყველას უნდა მივსალმებოდი თუნდაც არ ვიცნობდე.

13) მეგონა, წვიმის დროს მზე მართლა პირს იბანდა და სულ ცას ვუყურებდი.

14) მეგონა, რომ თუ ცისარტყელას გადავუფრენდი, ბიჭი გავხდებოდი და სულ ვოცნებობდი.

15) მეგონა, რომ მე კი არ ვიზრდებოდი არამედ ტანსაცმელები პატარავდებოდა.

16) მეგონა, ადრე ცხოვრებაც შავ-თეთრი იყო როგორც ფოტოზე და ფილმეში.

17) მეგონა, რომ დავწვებოდი საწოლის ქვეშ ვიღაც იყო და თუ არ დავიძინებდი წამიყვანდა (კი არა, წამათრევდა სადღაც).

18) მეგონა, დიდობა კარგი იყო და ვოცნებობდი გავიზარდო მალეთქო. სულ მშურდა უფროსები რო გვიანობდამდე იყვნენ და სადღაც მეპარებოდნენ და რომ არ წავეყვანე მე ადრე მაძინებდნენ, არ მეძინებოდა მაგრამ მაინც.

19) მეგონა, მზე მართლა ჩადიოდა ზღვაში.

20) მეგონა, რომ ციცინათელები ცეცხლს ყლაპავდნენ და მეშინოდა ხელში დაჭერა.

21) ნუკრი და სულიკო ბიჭის სახელი მეგონა მიკვირდა გოგოს რატო ქვია და სულ მეცინებოდა.

22) მეგონა, თოვლის ბაბუ მართლა არსებობდა და ვოცნებობდი ჩამოსულიყო ჩემთანაც, ახალი წლის ღამეს სულ ცაში ვიყურებოდი და ვოცნებობდი დამენახა .

23) მეგონა,უცხოპლანეტელები მართლა თეფშებით დაფრინავდნენ

24) მეგონა, რომ "თუთა" (ხილი) მკვადრი მატლი იყო და არასდროს ვჭამდი.

25) მეგონა მატლი გველის შვილი იყო და თუ მოვკლავდი, გაწვიმდებოდა.

26) და მეგონა, რომ დიდობა ძალიან ძალიან მაგარი იყო!

      ბევრი რამ აღარც მახსოვს რა მეგონა თქვენც ალბათ ესე იყავით ხო?

[makuna]

Mარი ამ ყოველივეს,რომ ვკითხულობდი, მაგონდებოდა ჩემი ბავშვობის განვლილი კადრები..:)

[მარი]

მარიამ კვარაცხელია: მეცც და დღემდე არ ვჭამ თუთას :D :D

[ლაშა]

გოგოებო, თეთრი თუთაც არსებობს. გაწვიმება კი, მე ბაყაყზე ვიცოდი. :D